ກອງປະຊຸມໃຫຍ່ຄັ້ງທີ12ຂອງພັກແມ່ນຂີດໝາຍໃໝ່ໃນພາລະກິດສ້າງສາແລະປົກປັກຮັກສາປະເທດຊາດ
ທ່ານເລຂາທິການໃຫຍ່ຄະນະບໍລິຫານງານສູນກາງພັກ
ກອມມູນິດຫວຽດນາມ ຫງວຽນຟຸຈ້ອງ
(ພາບ: TTXVN)
(vovworld) – ຕອນຄ່ຳວັນທີ 28/01, ຢູ່ຮ່າໂນ້ຍ, ຄະນະໂຄສະນາສຶກສາສູນກາງ, ຫ້ອງວ່າການສູນກາງພັກ, ກະຊວງວັດທະນະທຳ, ກິລາ ແລະ ທ່ອງທ່ຽວໄດ້ຈັດງານລາຕີເພື່ອຂ່ຳນັບຮັບຕ້ອນຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດຫວຽດນາມ. ມີນັກສະແດງ, ນັກສິລະປີນ, ເຂົ້າຮ່ວມບັນດາລາຍການສະແດງສິລະປະຍ້ອງຍໍຊົມເຊີຍພັກອັງສະຫງ່າ, ປະທານໂຮ່ຈິມິນ ແລະ ຊາດຫວຽດນາມ ວິລະຊົນ… ກ່າວຄຳເຫັນທີ່ລາຍການ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ຢືນຢັນວ່າ.
“ພວກເຮົາໝັ້ນໝາຍຄວາມຕັດສິນໃຈປະຕິບັດຕາມຄຳສັ່ງຂອງປະທານໂຮ່ຈິມິນ, ຕ້ອງຮັກສາຄວາມສະມັກຄີໃນພັກ ຄືຮັກສາແກ້ວຕາຂອງຕົນ. ຕ້ອງເຮັດໃຫ້ພັກກອມມູນິດຫວຽດນາມ ແມ່ນຄຸນສົມບັດ, ແມ່ນສີວິໄລເພື່ອນຳພາປະຊາຊົນເຮົາຢືດໝັ້ນເສັ້ນທາງໂດຍພັກ, ປະທານໂຮ່ຈິມິນ ແລະ ປະຊາຊົນຫວຽດນາມ ໄດ້ເລືອກເຟັ້ນ. ຂ້າພະເຈົ້າຫວັງວ່າອົງຄະນະພັກ, ອຳນາດການປົກຄອງທຸກຂັ້ນ, ແນວໂຮມປະເທດຊາດ ແລະ ອົງການຈັດຕັ້ງປະຊາຊົນສາມັກຄີເປັນຈິດໜຶ່ງໃຈດຽວ, ສຸມໃສ່ຊີ້ນຳນຳພາ, ລະດົມກຳລັງໃຈພະນັກງານ, ສະມາຊິກພັກ, ປະຊາຊົນທຸກຊັ້ນວັນນະ ຍູ້ແຮງຂະບວນການແຂ່ງຂັນຮັກຊາດ, ການເຄື່ອນໄຫວຊົມເຊີຍພັກ, ຊົມເຊີຍລະດູບານໃໝ່ ຕ້ອງຕິດພັນກັບວຽກງານໂຄສະນາຜົນສຳເລັດຂອງກອງປະຊຸມໃຫຍ່ຄັ້ງທີ 12 ຂອງພັກ, ປະຕິບັດການຮ່ຳຮຽນ, ຊາບຊຶມເນື້ອໃນມະຕິຂອງກອງປະຊຸມໃຫຍ່ຄັ້ງທີ 12 ຂອງພັກ, ນຳມະຕິເຂົ້າສູ່ຊີວິດຕົວຈິງ, ສູ້ຊົນນຳປະເທດໃຫ້ກາຍເປັນປະເທດອຸດສາຫະກຳຕາມທິດທັນສະໄໝໂດຍພື້ນຖານ”.