ກອງປະຊຸມສຸດຍອດກ່ຽວກັບຊີວະນາໆພັນ ຖືກດຳເນີນຢູ່ ປາຣີ

ວັນທີ 11 ມັງກອນ, ກອງປະຊຸມສຸດຍອດກ່ຽວກັບຊີວະນາໆພັນ ຖືກດຳເນີນຢູ່ ປາຣີ, ປະເທດຝລັ່ງ. ທີ່ກອງປະຊຸມ, ທ່ານປະທານາທິບໍດີ ຝລັ່ງ Emmanuel Macron, ທ່ານເລຂາທິການໃຫຍ່ ສປຊ Antonio Guterres, ທ່ານນາຍົກລັດຖະມົນຕີ ອັງກິດ Boris Johnson, ທ່ານ ປະທານທະນາຄານສູນກາງ ເອີຣົບ Christine Lagarde, ພ້ອມດ້ວຍການນຳຫຼາຍທ່ານ ໄດ້ຮຽກຮ້ອງໃຫ້ກະທໍາເພື່ອປົກປັກຮັກສາຊີວະນາໆພັນໃນໜ່ວຍໂລກນີ້ໃຫ້ດີທີ່ສຸດ ເຊິ່ງຄວາມມານະພະຍາຍາມອະນຸລັກຮັກສາຊີວະນາໆພັນ ພວມຕ້ອງປະເຊີນໜ້າກັບສະພາບຂາດເຂີນດ້ານການເງິນ ເປັນຈຳນວນ 711 ຕື້ USD ຕໍ່ປີ, ນັບແຕ່ນີ້ຮອດປີ 2030.

        ທີ່ກອງປະຊຸມຄັ້ງນີ້, ບັນດາທະນາຄານພັດທະນາ ແລະ ບັນດາປະເທດ ໄດ້ໃຫ້ຄຳໝັ້ນສັນຍາຈະປະກອບຈຳນວນເງິນກວ່າ 14 ຕື້ USD ໃນເວລາ 4 ປີ ຈະມາເຖິງ ເພື່ອສ້າງ “ກຳແພງຂຽວຂະໜາດໃຫຍ່” ເພື່ອແນໃສ່ສະກັດກັ້ນສະພາບການເປັນທະເລຊາຍຢູ່ພາກເໜືອເຂດ Sahel, ອາຟະລິກາ ເຊິ່ງ ເປັນສາຍເຫດທີ່ຍູ້ໃຫ້ປະຊາຊົນຫຼາຍລ້ານຄົນຕົກເຂົ້າສູ່ສະພາບອຶດຫິວ ແລະ ເພີ່ມການອົບພະຍົບ.