(ພາບປະກອບ)
(vovworld) - ຕອນເຊົ້າວັນທີ 19/01 ຢູ່ດ່າໜັງ, ກະຊວງອຸດສາຫະກຳ ແລະ ການຄ້າຈັດຕັ້ງກອງປະຊຸມ “ເຜີຍແຜ່ຂໍ້ມູນຂ່າວກ່ຽວກັບສັນຍາການຄ້າເສລີບາງສະບັບ ທີ່ຫາກໍ່ໄດ້ຮັບການລົງນາມ ຫລື ສິ້ນສຸດການເຈລະຈາ” ເຖິງບັນດາພະແນກ, ຂະແໜງການ ແລະ ວິສາຫະກິດຕ່າງໆໃນບໍລິເວນນະຄອນ ດ່າໜັງ. ປີ 2015, ຫວຽດນາມ ລົງນາມໃນສັນຍາສຳຄັນ 4 ສະບັບກັບບັນດາພາກພື້ນຕະຫລາດໃຫຍ່, ນັ້ນແມ່ນ: ສັນຍາຄູ່ຮ່ວມມືຂ້າມປາຊີຟິກ (TPP), ສັນຍາການຄ້າເສລີ ຫວຽດນາມ - ສະຫະພາບ ເອີລົບ (EU), ສັນຍາການຄ້າເສລີ ຫວຽດນາມ - ພັນທະມິດເສດຖະກິດ ອາຊີ - ເອີລົບ ແລະ ສັນຍາການຄ້າເສລີ ຫວຽດນາມ - ເກົາຫຼີ. ບັນດາສັນຍາຫາກໍ່ໄດ້ຮັບການລົງນາມ ແລະ ໃກ້ຈະລົງນາມ ຈະສ້າງກາລະໂອກາດໃໝ່ຫລາຍຢ່າງໃຫ້ແກ່ການສົ່ງອອກ, ບັນດາຂະແໜງອຸດສາຫະກຳ ແລະ ການຄ້າຂອງ ຫວຽດນາມ. ເລື່ອງເຜີຍແຜ່ຂໍ້ມູນຂ່າວສານກ່ຽວກັບບັນດາສັນຍາການຄ້າ ແມ່ນບັນດາບາດກ້າວທຳອິດ ເພື່ອສຳຜັດກັບອຳນາດການປົກຄອງທ້ອງຖິ່ນ, ວິສາຫະກິດ ແລະ ປະຊາຊົນ.