ວັນທີ 11 ມິຖຸນາ, ລັດຖະບານ ກາຕາ ປະກາດວ່າ ປະເທດນີ້ໄດ້ຮ້ອງຟ້ອງ ສະຫະລັດ ອາຣັບ ເອມີເລັດ (UAE) ຂຶ້ນສານຍຸຕິທຳສາກົນຂອງ ສປຊ ຍ້ອນບັນດາການກະທຳເຊິ່ງ ກາຕາ ກ່າວຫາວ່າໄດ້ກໍ່ຜົນສະທ້ອນເຖິງສິດທິມະນຸດຂອງບັນດາພົນລະເມືອງ ກາຕາ.

        ຖະແຫຼງການຂອງລັດຖະບານ ກາຕາ ໄດ້ຕຳໜິຕິຕຽນເລື່ອງ UAE ໄດ້ປະກາດໃຊ້ບັນດາມາດຕະການຈຳແນກການປະພຶດກັບຊາວ ກາຕາ, ເຊິ່ງລວມມີ: ເລື່ອງເຂົາເຈົ້າເນລະເທດ UAE, ເກືອດຫ້າມເຂົາເຈົ້າເຂົ້າເມືອງ ຫຼື ໄປຜ່ານ UAE, ຮຽກຮ້ອງໃຫ້ບັນດາພົນລະເມືອງ UAE  ອອກຈາກ ກາຕາ ແລະ ປິດປະຕູເຂດນ່ານຟ້າກໍ່ຄືບັນດາທ່າກ່່ຳປັ່ນທະເລຂອງ UAE ສຳລັບ ກາຕາ. ໄປຄຽງຄູ່ກັນນັ້ນ, Doha ກໍ່ຮຽກຮ້ອງໃຫ້ Abu Dhabi ທົດແທນໃຫ້ບັນດາການເຄື່ອນໄຫວດັ່ງກ່າວ.

        ຄວາມເຄັ່ງຕຶງລະຫວ່າງ ກາຕາ ແລະ UAE ເກີດຂຶ້ນໃນວັນທີ 5 ມິຖຸນາ 2017, ເມື່ອ UAE ພ້ອມກັບ 3 ປະເທດເຂດ ອ່າວເປີເຊຍ ອື່ນແມ່ນອາຣັບບິ ຊະອຸດິ, ບາເຣັນ ແລະ ອີຢິບ ຕັດການພົວພັນທາງທູດກັບ ກາຕາ ດ້ວຍຂໍ້ກ່າວຫາ Doha ສະໜັບສະໜູນບັນດາກຸ່ມກໍ່ການຮ້າຍໃນພາກພື້ນ, ແຊກແຊງເຂົ້າວຽກງານພາຍໃນຂອງບັນດາປະເທດນີ້ ແລະ ໜູນຫຼັງບັນດາກຸ່ມມ້າງເພທຳລາຍສະຖຽນລະພາບດ້ານການເມືອງ.