ປະທານາທິບໍດີອິນເດຍ, ນາຍົກລັດຖະມົນຕີສ.ຝລັ່ງ, ປະທານາທິບໍດີເຢຍລະມັນ, ນາຍົກລັດຖະມົນຕີອັງກິດ, ປະທານາທິບໍດີອີຕາລີ, ປະທານສະຫະພາບເອີລົບ, ປະທານາທິບໍດີຢູແກຼນ… ແລະການນຳຫຼາຍປະເທດ, ບັນດາອົງການຈັດຕັ້ງສາກົນໄດ້ຝາກຈົດໝາຍ ແລະ ສົ່ງໂທລະເລກແບ່ງເບົາຄວາມເສົ້າສະຫຼົດໃຈເຖິງການນຳພັກ, ລັດ, ລັດຖະບານ, ປະຊາຊົນຫວຽດນາມ ພ້ອມກັບຄອບຄົວ ແລະ ຍາດຕິພີ່ນ້ອງຂອງທ່ານປະທານປະເທດ ເຈິ່ນດ້າຍກວາງ.

        ໃນຈົດໝາຍແບ່ງເບົາຄວາມເສົ້າສະຫຼົດໃຈທີ່ສົ່ງເຖິງທ່ານນາງຜູ້ຮັກສາການປະທານປະເທດຫວຽດນາມ ດັ້ງທິງອັກທິ້ງ, ທ່ານນາຍົກລັດຖະມົນຕີມາເລເຊຍ Mahathir Mohamad ໄດ້ຕາງໜ້າໃຫ້ລັດຖະບານ ແລະ ປະຊາຊົນມາເລເຊຍ ແບ່ງເບົາຄວາມເສົ້າສະຫຼົດໃຈຢ່າງສຸດຊື້ງເຖິງຄອບຄົວຂອງທ່ານປະທານປະເທດ ເຈິ່ນດ້າຍກວາງ ແລະ ປະຊາຊົນຫວຽດນາມ; ຕີລາຄາສູງບັນດາການປະກອບສ່ວນຂອງທ່ານປະທານປະເທດ ເຈິ່ນດ້າຍກວາງ ໃນການເພີ່ມທະວີການພົວພັນ 2 ຝ່າຍລະຫວ່າງມາເລເຊຍ ແລະ ຫວຽດນາມ; ມີຄວາມເຊື່ອໝັ້ນວ່າ ປະຊາຊົນຫວຽດນາມ ຈະຜ່ານຜ່າຊ່ວງເວລາອັນໂສກເສົ້ານີ້ ແລະ ສືບຕໍ່ປະຕິບັດຄວາມໄຝ່ຝັນຂອງທ່ານອະດີດປະທານປະເທດ ແນໃສ່ນຳປະເທດຫວຽດນາມ ກາຍເປັນປະເທດມີຄວາມວັດທະນາຖາວອນ.