ຮອງລັດຖະມົນຕີ ການຕ່າງປະເທດ ເລທິທູຮັ່ງ ແລະ ທ່ານນາງ  Lina Gandlose Hansen, ລັດຖະມົນຕີການຕ່າງປະເທດ ແດນມາກ (ພາບ: Báo Quốc tế)

ວັນທີ 26 ກຸມພາ, ຢູ່ຮ່າໂນ້ຍ, ໄດ້ຈັດການປຶກສາຫາລືການເມືອງລະຫວ່າງກະຊວງການຕ່າງປະເທດ ຫວຽດນາມ ແລະ ກະຊວງການຕ່າງປະເທດ ແດນມາກ ເພື່ອແນໃສ່ແລກປ່ຽນກ່ຽວກັບການຮ່ວມມືສອງຝ່າຍ, ບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ.

        ໄລຍະຈະມາເຖິງ, ກະຊວງການຕ່າງປະເທດສອງປະເທດ ເຫັນດີເປັນເອກະພາບຊຸກຍູ້ການຮັກສາ ແລກປ່ຽນຄະນະຜູ້ແທນທຸກຂັ້ນ, ພິເສດແມ່ນຂັ້ນສູງ; ສົມທົບກັນຜັນຂະຫຍາຍ ແຜນການເຄື່ອນໄຫວໃນຂອບເຂດການພົວພັນຄູ່ຮ່ວມມືຮອບດ້ານ ແລະ ຄູ່ຮ່ວມມືຍຸດທະສາດສີຂຽວຢ່າງມີປະສິດທິຜົນ; ເຫັນດີເປັນເອກະພາບສືບຕໍ່ສົມທົບກັບແໜ້ນແຟ້ນ, ສະໜັບສະໜູນເຊິ່ງກັນ ແລະ ກັນຢູ່ບັນດາອົງການ, ຫົວໜ່ວຍຂອງ ສປຊ; ເພີ່ມທະວີການຮ່ວມມືລະຫວ່າງ ອາຊຽນ ແລະ ແດນມາກ  ແລະ ຢູ່ບັນດາເວທີປາໄສລັດຖະສະພາ, ປະກອບສ່ວນໃຫ້ແກ່ສັນຕິພາບ, ການຮ່ວມມື ແລະ ການພັດທະນາຢູ່ພາກພື້ນ ແລະ ຢູ່ໃນໂລກ. ໃນຂົງເຂດການຄ້າ - ການລົງທຶນ, ສອງຝ່າຍເຫັນດີເປັນເອກະພາບຊຸກຍູ້ບັນດາວິສາຫະກິດສອງປະເທດເພີ່ມທະວີການຮ່ວມມືໃນບັນດາຂົງເຂດ, ຄື: ການເຕີບໂຕສີຂຽວ, ເສດຖະກິດໝູນວຽນ, ເສດຖະກິດທະເລ, ພະລັງງານທົດແທນ…

        ທ່ານນາງຮອງລັດຖະມົນຕີການຕ່າງປະເທດ ຫວຽດນາມ ເລທິທູຮັ່ງ ສະເໜີໃຫ້ ແດນມາກ ຊຸກຍູ້ສະພາແຫ່ງຊາດບັນດາປະເທດ ອີຢູ ທີ່ຍັງເຫຼືອ ໃຫ້ສັດຕະຍາບັນສັນຍາອາລັກຂາການລົງທຶນ ຫວຽດນາມ - ອີຢູ (EVIPA) ໂດຍໄວ; ສະໜັບສະໜູນ ຄະນະກຳມະການ ເອີລົບ (EC) ຍົກເລິກບັດເຫຼືອງ IUU ສຳລັບສິນໃນນ້ຳສົ່ງອອກຂອງ ຫວຽດນາມ; ພ້ອມທັງໜູນຊ່ວຍ ຫວຽດນາມ ພັດທະນາການລ້ຽງປູກສິນໃນນ້ຳ, ສິນທະເລມຸ່ງໄປເຖິງອາຊີບຫາປາແບບຍືນຍົງ.