ການ​ປະ​ຊຸມ​ຂ່າວ​ກ່ຽວ​ກັບ​ບັນ​ດາ​ການ​ເຄ​ື່ອນ​ໄຫວສະ​ເຫຼີມ​ສະຫຼອງ 40 ປີ​ແຫ່ງວັນ​ປົດ​ປ່ອຍ​ພາກ​ໃຕ້, ທ້ອນ​ໂຮມ​ປະ​ເທດ​ຊາດ​ເປັນ​ເອ​ກະ​ພາບ

(vovworld)- ຕອນ​ເຊົ້​າ​ວັນ​ທີ 13/4, ຢູ່​ນະ​ຄອນ​ໂຮ່​ຈິ​ມິນ, ຄະ​ນະ​ຈັດ​ຕັ້ງ​ລະ​ດັບ​ຊາດ​ສຳ​ລັບ​ບັນ​ດາ​ວັນ​ບຸນ​ໃຫຍ່​ໃນ 2 ປີ 2014-2015 ໄດ້​ຈັດ​ການ​ປະ​ຊຸມ​ຂ່າວ​ກ່ຽວ​ກັບ​ບັນ​ດາ​ການ​ເຄ​ື່ອນ​ໄຫວສະ​ເຫຼີມ​ສະຫຼອງ 40 ປີ​ແຫ່ງວັນ​ປົດ​ປ່ອຍ​ພາກ​ໃຕ້, ທ້ອນ​ໂຮມ​ປະ​ເທດ​ຊາດ​ເປັນ​ເອ​ກະ​ພາບ (30/4/1975 – 30/4/2015). ພິ​ທີ​ສະ​ເຫຼີມ​ສະຫຼອງຊຶ່ງ​ລວ​ມມີການ​ເຄື່ອນ​ໄຫວ 2 ຢ່າງ, ນັ້ນ​ແມ່ນ​ພິ​ທີ​ຖະ​ຫວາຍ​ທູບ​ທຽນ​ບູ​ຊາ​ອາ​ໄລ​ຫາ ແລະ ພິ​ທີ​ໂຮມ​ຊຸມ​ນຸມ​ມິດ​ຕິງ, ແຫ່​ຂະ​ບວນ, ສະ​ແດງ​ກຳ​ລັງ. ພິ​ທີ​ຖະ​ຫວາຍ​ທູບ​ທຽນ​ບູ​ຊາ​ອາ​ໄລ​ຫາຈະ​ຖືກ​ຈັດ​ຂຶ້ນ​ຢູ່​ສຸ​ສານ​ປະ​ທານ​ໂຮ່​ຈິ​ມິນ, ອະ​ນຸ​ສາ​ວະ​ລີ​ນັກ​ຮົບ​ເສຍ​ສະຫຼະ​ຊີ​ວິດ​ເພື່ອ​ຊາດ​ທີ່​ນະ​ຄອນຫຼວງ​ຮ່າ​ໂນ້ຍ ແລະ ເຂດ​ສຸ​ສານ ນັກ​ຮົບ​ເສຍ​ສະຫຼະ​ຊີ​ວິດ​ເພື່ອ​ຊາດ​, ວິ​ຫານ​ເບັ້ນ​ເຢືອກ, ເມືອງ ກູ​ຈີ, ນະ​ຄອນ​ໂຮ່​ຈິ​ມິນ​ກ່ອນ​ວັນ​ທີ 30/4. ສ່ວນ ພິ​ທີ​ໂຮມ​ຊຸມ​ນຸມ​ມິດ​ຕິງ, ແຫ່​ຂະ​ບວນ, ສະ​ແດງ​ກຳ​ລັງຖືກ​ຈັດ​ຂຶ້ນ​ຢ່າງ​ສົມ​ກຽດ​ຢູ່​ນະ​ຄອນ​ໂຮ່​ຈິ​ມິນ​ໃນ​ວັນ​ທີ 30/4. ທ່ານ ເຮື້ອ​ຫງອກ​ຖ້ວນ ສັງ​ກັດ​ຄ່ະ​ນະ​ຈັດ​ຕັ້ງ​ໃຫ້​ຮູ້​ວ່າ : 

   “ ພວກ​ຂ້າ​ພະ​ເຈົ້າ​ໄດ້​ຂຶ້ນ​ແຜນ​ການ​ເພື່ອ​ຍິງບັ້ງ​ໄຟ​ດອກ​ຢູ່​ຕຶກ​ອາ​ຄານ​ສູງ 68 ຊັ້ນ. ທາງ​ນະ​ຄອນກ​ຍັງ​ຈັດ​ຕັ້ງ​ການ​ຍິງບັ້ງ​ໄຟ​ດອກ​ຢູ່​ສະ​ຖານ​ທີ່ 7 ແຫ່ງ​ທີ່​ບັນ​ດາ​ທ້ອງ​ຖິ່ນ, ເຂດ​ຖານ​ທີ່​ໝັ້ນ​ປະ​ຕິ​ວັດ ”