(VOVWORLD) - ເທດສະບານເມືອງເຊິ່ງ ອາແຊັກໄບຊານເອີ້ນວ່າ Shusha, ໃນຂະນະນັ້ນ ອາກເມເນຍ ເອີ້ນວ່າ Shushi, ພ້ອມກັບບັນດາເຂດໃກ້ຄຽງ ໄດ້ເຫັນປະຈັກຕາການປະທະກັນຢ່າງດຸເດືອດໃນຊຸມວັນມໍ່ໆມານີ້.
 ເຂດປະທະກັນ Nagorno – Karabakh (ພາບ: TTXVN) |
ວັນທີ 8 ພະຈິກ ທ່ານ ປະທານາທິບໍດີ ອາແຊັກໄບຊານ Ilham Aliyev ໄດ້ປະກາດວ່າ ບັນດາກຳລັງຂອງປະເທດນີ້ ໄດ້ຢຶດຄອງເທດສະບານເມືອງໃຫຍ່ອັນດັບທີ 2 ຢູ່ຂົງເຂດ Nagorno – Karabakh, ແລະເອີ້ນ ນີ້ວ່າແມ່ນ “ໄຊຊະນະຍຸດທະສາດອັນຍິ່ງໃຫຍ່”.
ເທດສະບານເມືອງເຊິ່ງ ອາແຊັກໄບຊານເອີ້ນວ່າ Shusha, ໃນຂະນະນັ້ນ ອາກເມເນຍ ເອີ້ນວ່າ Shushi, ພ້ອມກັບບັນດາເຂດໃກ້ຄຽງ ໄດ້ເຫັນປະຈັກຕາການປະທະກັນຢ່າງດຸເດືອດໃນຊຸມວັນມໍ່ໆມານີ້. ເຖິງຢ່າງໃດກໍ່ຕາມ, ພາຍຫຼັງ ອາແຊັກໄບຊານມີຖະແຫຼງການດັ່ງກ່າວ, ອາກເມເນຍກໍ່ຢັ້ງຢືນວ່າ ການປະທະກັນຍັງສືບຕໍ່ດຳເນີນຢູ່ເທດສະບານເມືອງແຫ່ງນີ້.