ລາຍການພົບປະແລກປ່ຽນສິລະປະ“ມຸ່ງໄປເຖິງເຂດຊາຍແດນ, ທະເລ ແລະ ໝູ່ເກາະ
ພາບ: internet
|
(vovworld) - ລາຍການພົບປະແລກປ່ຽນສິລະປະ“ມຸ່ງໄປເຖິງເຂດຊາຍແດນ, ທະເລ ແລະ ໝູ່ເກາະ ບ້ານເກີດເມືອງນອນ” ໂດຍຄະນະຊີ້ນຳເຂດຕາເວັນຕົກພາກໃຕ້ເປັນເຈົ້າພາບໄດ້ດຳເນີນໄປໃນຕອນຄຳ່ວັນທີ 1/3 ຢູ່ ນະຄອນ ແຣກຢາ ແຂວງກຽນຢາງ. ລາຍການດັ່ງກ່າວຖືກຈັດຂຶ້ນເພື່ອຫວນຄືນມູນເຊື້ອຂອງກອງທັບ ແລະ ປະຊາຊົນ ຫວຽດນາມ ໃນການຕໍ່ສູ້ປົກປັກຮັກສາເຂດຊາຍແດນ, ທະເລ ແລະ ໝູ່ເກາະ ພ້ອມທັງສະແດງໃຫ້ເຫັນອາລົມຈິດຂອງປະຊາຊົນທາງທິດຕາເວັນຕົກພາກໃຕ້ ຫວຽດນາມ ທີ່ມີຕໍ່ພະນັກງານ, ນັກຮົບ ພວມຮັກສາທະເລໝູ່ເກາະຂອງປະເທດຊາດ. ກ່າວຄຳເຫັນນະທີ່ນີ້, ທ່ານ ຫວູວັນນີງ ຮອງນາຍົກລັດຖະມົນຕີ ຫວຽດນາມ ໄດ້ຊີ້ແຈງວ່າ: ເຂດຊາຍແດນ, ທະເລ ແລະ ໝູ່ເກາະ ແມ່ນພາກສ່ວນທີ່ສັກກະລະບູຊາຂອງປະເທດຊາດ, ມີບົດບາດສຳຄັນໃນການພັດທະນາເສດຖະກິດ ສັງຄົມ, ການປ້ອງກັນຊາດປ້ອງກັນຄວາມສະຫງົບແຫ່ງຊາດ. ຫວຽດນາມ ມີຄວາມເອົາໃຈໃສ່ເຖິງວຽກງານປົກປັກຮັກສາທະເລ ແລະ ໝູ່ເກາະ ແລະ ໃນວິວັດການສ້າງສາ ແລະ ພັດທະນາປະເທດຊາດ, ຫວຽດນາມ ໄດ້ປະກາດໃຊ້ຫລາຍນະໂຍບາຍສຳຄັນກ່ຽວກັບທະເລ ແລະ ໝູ່ເກາະ. ທ່ານຮອງນາຍົກລັດຖະມົນຕີ ຫວູວັນນີງ ເນັ້ນຫນັກວ່າ:
“ຄວນເອົາໃຈໃສ່ເປັນພິເສດເຖິງການລົງທຶນພື້ນຖານໂຄງລ່າງກໍ່ສ້າງບັນດາເສັ້ນທາງແຄມທະເລ, ລະບົບທ່າກຳປັ່ນ, ທ່າກຳປັ່ນນ້ຳເລິກທີ່ມີການພົວພັນຄ້າຂາຍກັບສາກົນ, ສະເຫນີບັນດາກົນໄກພິເສດໃຫ້ແກ່ເຂດທະເລ, ໝູ່ເກາະ ເປັນຕົ້ນແມ່ນນະໂຍບາຍພິເສດສຳລັບເມືອງເກາະ ຟູກວກ. ຄົ້ນຄ້ວາ ແລະ ຜັນຂະຫຍາຍການປະຕິບັດບັນດາກົນໄກນະໂຍບາຍ ເພື່ອຮັບມືກັບການປ່ຽນແປງຂອງດິນຟ້າອາກາດ ແລະ ນ້ຳທະເລຂຶ້ນສູງ.”