ຕາມນັ້ນແລ້ວ, ເຂົ້າສານ ແລະ ກາເຟ ແມ່ນ 2 ປະເພດສິນຄ້າທີ່ມີການເຕີບໂຕຫຼາຍທີ່ສຸດໃນບັນດາຕະຫຼາດ ອິນໂດເນເຊຍ, ຟີລິບປິນ ແລະ ສິງກະໂປ. ຍ້ອນມີແຫຼ່ງສະໜອງທີ່ຫຼາກຫຼາຍ ແລະ ຮັບປະກັນຄຸນນະພາບ, ສອງປະເພດສິນຄ້າເຫຼົ່ານັ້ນ ຍັງຄົງແມ່ນສິນຄ້າທີ່ໄດ້ຮັບຄວາມນິຍົມບໍລິໂພກຈາກບັນດາປະເທດ ອາຊຽນ. ຄາດວ່າ, ໃນຊຸມເດືອນທ້າຍປີ 2023, ສິນຄ້າປະເພດ ອື່ນໆ ຈະສືບຕໍ່ມີໂອກາດເພີ່ມວົງເງິນສົ່ງອອກໄປຍັງບັນດາຕະຫຼາດດັ່ງກ່າວ.

    ເພື່ອເພີ່ມທະວີການສົ່ງອອກ, ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ຟຸ່ງດຶກຕຽນ, ໄດ້ເນັ້ນໜັກວ່າ ຕ້ອງເປີດກວ້າງຕະຫຼາດ:

    “ໃນໂຄງປະກອບຕະຫຼາດທີ່ມີການປ່ຽນແປງຫຼາຍຢ່າງ. ບັນດາຜະລິດຕະພັນທີ່ມີລະດັບການເຕີບໂຕໄວ, ຄວາມຕ້ອງການຂອງຕະຫຼາດສາກົນໃຫຍ່ພິເສດນັ້ນ ແມ່ນຕ້ອງສຸມໃສ່ຍູ້ແຮງ, ສ່ວນບັນດາຕະຫຼາດຄືເຄື່ອງປ່າຂອງດົງ ແລະ ສິນໃນນ້ຳ ແມ່ນຈະຕ້ອງເປີດກວ້າງຕະຫຼາດ. ໃນໄລຍະຈະມາເຖິງ, ທາງກະຊວງຈະມອບໝາຍໃຫ້ການນຳຫົວໜ່ວຍຕ່າງໆ ສຸມໃສ່ເປີດກວ້າງຕະຫຼາດຕ່າງໆຄື: ຈີນ, ເອີຣົບ, ຍີ່ປຸ່ນ, ອາເມລິກາ, ຊຸກຍູ້ບັນດາຕະຫຼາດເດີມ, ມີກຳລັງບົ່ມຊ້ອນ ດ້ວຍບັນດາຜະລິດຕະພັນ ເຊິ່ງ ຫວຽດນາມ ພວມມີທ່າແຮງ.”