ການເຄື່ອນໄຫວຂອງທ່ານປະທານສະພາແຫ່ງຊາດ ຫງວຽນຊິງຮູ່ງ ຢູ່ ສະຫະພັນ ລັດເຊຍ

ວັນຈັນ ທີ 11 ມີນາ ຄ.ສ. 2013 | 13:54:24

(vovworld) - ພາຍຫຼັງພິທີຕ້ອນຮັບທາງການເມື່ອວັນທີ 11/3, ທ່ານປະທານສະພາແຫ່ງຊາດຫງວຽນຊິງຮຸ່ງ ແລະ ທ່ານປະທານສະພາສູງລັດເຊຍ Valentian Matviyenko ໄດ້ດຳເນີນການເຈລະຈາ. ທີ່ການເຈລະຈາ, ທ່ານປະທານສະພາແຫ່ງຊາດຫງວຽນຊິງຮຸ່ງ ຢືນຢັນວ່າ: ສະຫະພັນລັດເຊຍ ແມ່ນຄູ່ຮ່ວມມືສຳຄັນອັນດັບໜຶ່ງໃນນະໂຍບາຍການຕ່າງປະເທດຂອງຫວຽດນາມ. ຫວຽດນາມ ສະໜັບສະໜູນລັດເຊຍ ເພີ່ມທະວີຜົນສະທ້ອນ, ເປີດກ້ວາງການພົວພັນກັບພາກພື້ນອາຊີ-ປາຊີຟິກ ແລະ ອາຊີຕາເວັນອອກສ່ຽງໃຕ້. ທ່ານປະທານສະພາແຫ່ງຊາດຫງວຽນຊິງຮຸ່ງ ສະເໜີໃຫ້ສອງຝ່າຍສືບຕໍ່ກົນໄກແລກປ່ຽນຄະນະຜູ້ແທນຂັ້ນຕ່າງໆ, ຫັນການພົວພັນສອງຝ່າຍເປັນຫຼາຍຮູບຫຼາຍແບບ ແລະ ປາດຖະໜາຢາກໃຫ້ສະພາສະຫະພັນລັດເຊຍ ໜູນຊ່ວຍສະພາແຫ່ງຊາດຫວຽດນາມ ໃນການຍົກສູງຄວາມສາມາດເຮັດວຽກ, ທັກສະການເຄື່ອນໄຫວໃຫ້ແກ່ສະມາຊິກສະພາແຫ່ງຊາດ ແລະ ພະນັກງານສະພາແຫ່ງຊາດຫວຽດນາມ.

ປະທານສະພາສະຫະພັນລັດເຊຍ ໄດ້ສະເຫນີ ສະພາແຫ່ງຊາດສອງປະເທດຄວນສືບຕໍ່ສົມທົບກັນຢ່າງແຫນ້ນແຟ້ນໃນບັນດາເວທີປາໄສລັດຖະສະພາສາກົນ. ສະພາແຫ່ງຊາດສອງປະເທດ ຄວນສະຫນັບສະຫນູນຢ່າງແຂງແຮງວິວັດການລົງນາມບັນດາສັນຍາການຄ້າສອງຝ່າຍ, ສ້າງເງື່ອນໄຂສະດວກໃຫ້ແກ່ການພົບປະແລກປ່ຽນ, ການຮ່ວມມືເສດຖະກິດລະຫວ່າງປະຊາຊົນສອງປະເທດ. ພາຍຫລັງການເຈລະຈາ, ປະທານສະພາສະຫະພັນລັດເຊຍ ແລະ ປະທານສະພາແຫ່ງຊາດ ຫວຽດນາມ ຫງວຽນຊີງຮຸ່ງ ໄດ້ພົບປະກັບນັກຂ່າວ. ນະທີ່ນີ້ ທ່ານປະທານສະພາແຫ່ງຊາດ ຫງວຽນຊີງຮຸ່ງ ເນັ້ນຫນັກວ່າ:

“ພວກຂ້າພະເຈົ້າເປັນເອກະພາບສູງຊຸກຍູ້ການຮ່ວມມືຍຸດທະສາດຮອບດ້ານ ແລະ ສາຍພົວພັນມິດຕະພາບພິເສດລະຫວ່າງສອງປະເທດ. ຊຸກຍູ້ການພົວພັນທັງຂັ້ນສູນກາງ ແລະ ທ້ອງຖິ່ນ, ບັນດາປະເທດສາທາລະນະລັດຂຶ້ນກັບສະຫະພັນລັດເຊຍກັບບັນດານະຄອນຂອງ ຫວຽດນາມ. ພວກຂ້າພະເຈົ້າປາດຖະຫນາຢາກຊຸກຍູ້ເພ່ື່ອເພີ່ມວົງເງິນການຄ້າສອງສົ້ນ ລະຫວ່າງ ຫວຽດນາມ ແລະ ສະຫະພັນລັດເຊຍຈາກລະດັບ 3 ຕື້ USD ປະຈຸບັນໃຫ້ຂຶ້ນເຖິງ 7 ຕື້ USD ໃນປີ 2015 ແລະ 10 ຕື້ USD ໃນປີ 2020.”

ກ່ອນໜ້ານນັ້ນຄືໃນວັນທີ 10/3 (ຕາມເວລາທ້ອງຖິ່ນ), ພາຍຫຼັງໄປຮອດນະຄອນຫຼວງ ມົດສະກູ, ວາງພວງມາລາຢູ່ອະນຸສາວາລີປະທານ ໂຮ່ຈີມິນ ແລະ ຢ້ຽມຢາມກິດຈະກຳກໍ່ສ້າງສູນການຄ້າ, ວັດທະນະທຳ ຮ່າໂນ້ຍ - ມົດສະກູ, ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮູ່ງ ໄດ້ໄປຢ້ຽມຢາມສະຖານທູດ ຫວຽດນາມ ປະຈຳສະຫະພັນ ລັດເຊຍ ແລະ ໂອ້ລົມກັບບັນດາພະນັກງານ, ພາລະກອນສະຖານທູດ ແລະ ປະຊາຄົມຊາວ ຫວຽດນາມ ອາໄສຢູ່ ສະຫະພັນ ລັດເຊຍ ເປັນຈຳນວນຫຼວງຫຼາຍ.

ການເຄື່ອນໄຫວຂອງທ່ານປະທານສະພາແຫ່ງຊາດ ຫງວຽນຊິງຮູ່ງ ຢູ່ ສະຫະພັນ ລັດເຊຍ - ảnh 1

ທ່ານປະທານສະພາແຫ່ງຊາດ ຫງວຽນຊິງຮູ່ງ ໄປຢ້ຽມຢາມສະຖານທູດ ຫວຽດນາມ ປະຈຳສະຫະພັນ ລັດເຊຍ

ຕາມນັ້ນແລ້ວ, ການຢ້ຽມຢາມສະຫະພັນ ລັດເຊຍ ຂອງທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮູ່ງ ເພື່ອແນໃສ່ຫັນການການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດເປັນລະອຽດ. ທ່ານປະທານສະພາແຫ່ງຊາດ ຫງວຽນຊິງຮູ່ງ ໃຫ້ຮູ້ວ່າ: 1 ໃນບັນດາໜ້າທີ່ຈຸດສຸມຂອງສະພາແຫ່ງຊາດໃນປີ 2013 ນັ້ນແມ່ນປັບປຸງລັດຖະທຳມະນູນ ປີ 1992.

“ລັດຖະທຳມະນູນແມ່ນເອກະສານນິຕິກຳຂອງກົດໝາຍຕົ້ນສະບັບ. ມັນທັງແມ່ນເອກະສານການເມືອງ ທັງແມ່ນເອກະສານນິຕິກຳ ເພື່ອປະຕິບັດຕາມເຈດຈຳນົງຂອງປະຊາຊົນ, ເພື່ອໃຫ້ປະຊາຊົນສາມາດປະຕິບັດສິດທິມະນຸດ, ສິດພົນລະເມືອງ, ຮັບປະກັນໃຫ້ປະເທດຊາດພັດທະນາໃນໄລຍະມີການກຳນົດທິດການເມືອງຢ່າງຖືກຕ້ອງ, ມີພື້ນຖານນິຕິກຳ, ມີພື້ນຖານການເມືອງນິຕິກຳຖືກຕ້ອງ. ຍັງມີເວລາ, ຍັງສືບຕໍ່ປະກອບຄຳເຫັນເພື່ອເຮັດໃຫ້ເຈດຈຳນົງ, ພຸມປັນຍາຂອງຊາວ ຫວຽດນາມ ຖືກນຳເຂົ້າໃສ່ລັດຖະທຳມະນູນສະບັບນີ້.”

ທ່ານປະທານສະພາແຫ່ງຊາດ ຫງວຽນຊິງຮູ່ງ ກໍ່ຢັ້ງຢືນວ່າ: ຍາມໃດ ພັກ ແລະ ລັດ ກໍ່ເອົາໃຈໃສ່ຕໍ່ວົງຄະນະຍາດຊາວ ຫວຽດນາມ ອາໄສຢູ່ຕ່າງປະເທດ ເວົ້າລວມ ແລະ ປະຊາຄົມຊາວ ຫວຽດນາມ ອາໄສຢູ່ ລັດເຊຍ ເວົ້າສະເພາະ. ຍາມໃດ ສະພາແຫ່ງຊາດ ກໍ່ສະໜັບສະໜູນ, ສ້າງເງື່ອນໄຂ ໃຫ້ພໍ່ແມ່ປະຊາຊົນສະໜິດຕິດພັນກັບບ້ານເກີດເມືອງນອນ, ປະເທດຊາດ. ຍາມໃດ ພັກ, ລັດ ແລະ ສະພາແຫ່ງຊາດກໍ່ປະຕິບັດນະໂຍບາຍຢ່າງສະເໝີຕົ້ນສະເໝີປາຍເພື່ອເສີມຂະຫຍາຍມະຫາສາມັກຄີທົ່ວປວງຊົນ, ຍາມໃດກໍສ້າງເງື່ອນໄຂອຳນວຍຄວາມສະດວກເພື່ອໃຫ້ປະຊາຄົມ ຊາວ ຫວຽດນາມ ອາໄສຢູ່ຕ່າງປະເທດມີການດຳລົງຊີວິດເປັນປົກກະຕິ, ເຊື່ອມໂຍງເຂົ້າກັບສັງຄົມປະເທດປະຈຳຖິ່ນ, ຊ່ວຍໃຫ້ປະຊາຄົມຮັກສາ ແລະ ເສີມຂະຫຍາຍສີສັນວັດທະນະທຳຂອງຊາດ, ອວາຍໜ້າເມືອຫາປະເທດຊາດ.
ການເຄື່ອນໄຫວຂອງທ່ານປະທານສະພາແຫ່ງຊາດ ຫງວຽນຊິງຮູ່ງ ຢູ່ ສະຫະພັນ ລັດເຊຍ - ảnh 2

ສື່ມວນຊົນ ລັດເຊຍ ຊົມເຊີຍສາຍພົວພັນ ຫວຽດນາມ - ສະຫະພັນລັດເຊຍ

ກ່ຽວຂ້ອງເຖິງການຢ້ຽມຢາມ ສະຫະພັນ ລັດເຊຍ ຂອງຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ, ສຳນັກຂ່າວສານ ລັດເຊຍ ITAR – TASS ແລະ RIA – Novosti ໄດ້ໃຫ້ຂ່າວ, ບົດຫຼາຍທີ່ສ່ອງແສງເຖິງການຢ້ຽມຢາມສະຫະພັນ ລັດເຊຍ ຂອງຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໂດຍທ່ານປະທານສະພາແຫ່ງຊາດ ຫງວຽນຊິງຮູ່ງ ນຳໜ້າ, ພ້ອມທັງຊົມເຊີຍສາຍພົວພັນມິດຕະພາບທີ່ເປັນມູນເຊື້ອ, ການຮ່ວມມື ແລະ ຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ - ລັດເຊຍ ທີ່ນັມມື້ນັບໄດ້ຮັບການປັບປຸງ ແລະ ເພີ່ມທະວີ. ສຳນັກຂ່າວສານ ITAR – TASS ໄດ້ຊີ້ແຈ້ງວ່າ: ການຢ້ຽມຢາມ ລັດເຊຍ ຂອງຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ຄັ້ງນີ້ ກໍ່ຄືການຮ່ວມມືຢ່າງມີປະສິດທິຜົນລະຫວ່າງສະພາແຫ່ງຊາດ 2 ປະເທດ ຈະປະກອບສ່ວນສຳຄັນເພື່ອແນໃສ່ພັດທະນາການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ ກ່ວາອີກ. ສຳນັກຂ່າວສານ RIA – Novosti ພ້ອມກັບສຳນັກຂ່າວສານ ITAR – TASS ລ້ວນແຕ່ປະກາດວ່າ: ນອກຈາກການເຄື່ອນໄຫວຢູ່ Saint Peterburg ແລະ ພົບປະກັບການນຳອົງການອຳນາດບໍລິຫານ ແລະ ສ້າງກົດໝາຍຂອງນະຄອນນີ້ແລ້ວ, ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໂດຍທ່ານປະທານ ຫງວຽນຊິງຮູ່ງ ນຳໜ້າຈະພົບປະ ແລະ ເຈລະຈາ ກັບທ່ານນາຍົກລັດຖະມົນຕີ Dmitry Medvedev, ປະທານ Duma ແຫ່ງຊາດ (ສະພາຕຳ່) ລັດເຊຍ Sergey Nayshkin. ອົງການສື່ມວນຊົນຂອງສະພາສະຫະພັນ ລັດເຊຍ ໃຫ້ຮູ້ວ່າ: ນັກຂ່າວຫຼາຍຄົນຂອງໂທລະພາບ ລັດເຊຍ ລວມມີຊ່ອງ 1, ປະເທດ ລັດເຊຍ, NTV ແລະ ໜັງສືພິມສຳຄັນຫຼາຍສະບັບເຊິ່ງລວມມີ: ໜັງສືພິມ ລັດເຊຍ, ໜັງສືພິມ ເອກະລາດ, ຂ່າວ ລ້ວນແຕ່ຈົດທະບຽນສ່ອງແສງ ບັນດາການເຄື່ອນໄຫວຕົ້ນຕໍ່ຂອງຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໂດຍທ່ານປະທານ ຫງວຽນຊິງຮູ່ງ ນຳໜ້າ ຢູ່ ລັດເຊຍ.