(vovworld) - ກ້າວເຂົ້າສູ່ປີ 2013, ເບິ່ງລວມແລ້ວ, ຂົງເຂດການຜະລິດຂອງ ເອີລົບ ຍັງບໍ່ທັນມີສັນຍານຕັ້ງໜ້າເທື່ອ ຂະນະທີ່ບັນດາຕົວເລກສະຖິຕິຫຼ້າສຸດສະແດງໃຫ້ເຫັນວ່າ ຜະລິດຕະພັນ ກໍຄື ໃບສັ່ງຊື້ສິນຄ້າປຸງແຕ່ງ ໃນພາກພື້ນນຳໃຊ້ສະກຸນເງິນເອີໂຣລວມ (ຫຼື Eurozone) ສືບຕໍ່ຖືກຫຼຸດລົງ. ຕາມຕົວເລກປະກາດເມື່ອວັນທີ 2/1 ຂອງ ບໍລິສັດຄົ້ນຄ້ວາຕະຫຼາດ Markit ໃຫ້ຮູ້ວ່າ: ດັດສະນີຄຸ້ມຄອງກຳລັງຊື້ (ຫຼື PMI) ຂອງ Eurozone ຖືກຫຼຸດລົງໃນເດືອນສຸດທ້າຍຂອງປີ 2012, ກົງກັນຂ້າມກັບການຄາດຄະເນກ່ອນໜ້ານັ້ນແມ່ນຈະເພີ່ມຂຶ້ນເລກນ້ອຍ. PMI ຖືກຫຼຸດລົງເລກນ້ອຍຈາກລະດັບ 46, 2 ຄະແນນ ຂອງເດືອນກ່ອນ ລົງລະດັບ 46,1 ແລະ ຕຳ່ກ່ວາລະດັບຄາດຄະເນແມ່ນ 46,3 ຄະແນນ. PMI ແມ່ນດັດສະນີສັງລວມ ຖືກສ້າງ ເພື່ອຕີລາຄາໂດຍສັງລວມ ກ່ຽວກັບການເຄື່ອນໄຫວໃນຂະແໜງຜະລິດ ແລະ ສວມບົດບາດຄືດັດສະນີອັນດັບໜຶ່ງໃຫ້ແກ່ທົ່ວພື້ນຖານເສດຖະກິດ. ຕົວເລກດັ່ງກ່າວຕຳ່ກ່ວາລະດັບ 50 ຄະແນນສະແດງໃຫ້ເຫັນວ່າ: ການເຄື່ອນໄຫວຜະລິດຂອງ Eurozone ພວມຖືກຫຼຸດລົງ.