(vovworld) – ເນື່ອງໃນໂອກາດທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ, ປະທານປະເທດຈີນ ສື່ຈິນຜິງ ຢ້ຽມຢາມຫວຽດນາມ ຢ່າງເປັນທາງການ. ວັນທີ 05/11, ຢູ່ຮ່າໂນ້ຍ, ໄດ້ດຳເນີນບັນດາການເຄື່ອນໄຫວພົບປະແລກປ່ຽນລະຫວ່າງຫວຽດນາມ ແລະ ຈີນ.
ສະຫະພັນບັນດາອົງການຈັດຄັ້ງມິດຕະພາບຫວຽດນາມ ແລະ ສະມາຄົມມິດຕະພາບພົວພັນຕ່າງປະເທດປະຊາຊົນຈີນ ໄດ້ສົມທົບກັນຈັດຕັ້ງງານພົບປະຜູ້ຊົງຄຸນວຸດທິມິດຕະພາບຫວຽດນາມ - ຈີນ. ກ່າວຄຳເຫັນທີ່ງານພົບປະ, ທ່ານປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ ຫວູຊວນຮົ່ງ ເນັ້ນໜັກວ່າ, ໃນໄລຍະຈະມາເຖິງ, ສະຫະພັນບັນດາອົງການຈັດຄັ້ງມິດຕະພາບຫວຽດນາມ ແລະ ສະມາຄົມມິດຕະພາບພົວພັນຕ່າງປະເທດປະຊາຊົນຈີນ, ພ້ອມກັບບັນດາອົງການຈັດຕັ້ງມິດຕະພາບກ່ຽວຂ້ອງ ຂອງ 2 ປະເທດຈະສືບຕໍ່ປະກອບສ່ວນນຳການພົບພັນລະຫວ່າງ 2 ປະເທດໃຫ້ຂຶ້ນສູ່ລະດັບສູງໃໝ່. ສ່ວນຝ່າຍຈີນ ປາດຖະໜາວ່າ, ຜູ້ແທນຊົງຄຸນວຸດທິ 2 ປະເທດຈະພ້ອມກັນແລກປ່ຽນຫົວຂໍ້ກ່ຽວກັບການປັບປຸງຄວາມສາມັກຄີ, ເພີ່ມທະວີການຮ່ວມມືຢ່າງແທດຈິງລະຫວ່າງຫວຽດນາມ ແລະ ຈີນ ເພື່ອກະກ່ຽມໃຫ້ເວທີປາໄສປະຊາຊົນຫວຽດນາມ - ຈີນຄັ້ງທີ 7, ເຊິ່ງຈະດຳເນີນໄປໃນທ້າຍເດືອນ 11/2015.
ເນື່ອງໃນໂອກາດນີ້, ສູນກາງສະມາຄົມນັກທຸລະກິດໜຸ່ມຫວຽດນາມ ໄດ້ຈັດຕັ້ງການໂອ້ລົມສົນທະນາລະຫວ່າງນັກທຸລະກິດໜຸ່ມຫວຽດນາມ - ຈີນ. ທີ່ການໂອ້ລົມສົນທະນາ, ບັນດາວິສາຫະກິດຈີນ ປາດຖະໜາຢາກຮ່ວມມື, ລົງທຶນກັບຫວຽດນາມ ໃນບັນດາຂົງເຂດຄື: ເຕັກໂນໂລຊີຂໍ້ມູນຂ່າວສານ, ການກໍ່ສ້າງພື້ນຖານໂຄງລ່າງ, ປ່າໄມ້, ເຕັກໂນໂລຊີສູງ…
ແລະກໍໃນວັນດຽວດັນ, ຜູ້ຕ່າງໜ້າສະມາຊິກຊາວໜຸ່ມ, ຊາວໜຸ່ມນະຄອນຮ່າໂນ້ຍ ແລະ ຊາວໜຸ່ມຈີນ ທີ່ດີເດັ່ນເກືອບ 100 ຄົນ ໄດ້ເຂົ້າຮ່ວມງານພົບປະແລກປ່ຽນມິດຕະພາບຊາວໜຸ່ມຫວຽດນາມ - ຈີນ ປີ 2015.