ສະຫະພັນແມ່ຍິງ ຫວຽດນາມ ໃນທົ່ວປະເທດ ໄດ້ຈັດການສະເຫຼີມສະຫຼອງວັນແມ່ຍິງ ສາກົນຢ່າງສົມກຽດ
(ພາບປະກອບ)
(vovworld) – ມື້ນີ້ແມ່ນວັນແມ່ຍິງສາກົນ 8/3. ຢູ່ຫວຽດນາມ, ວັນແມ່ຍິງສາກົນໄດ້ຮັບການຈັດຕັ້ງຢ່າງສົມກຽດ ແລະ ມີຄວາມໝາຍກວ່າ ດ້ວຍການເຄື່ອນໄຫວທີ່ອຸດົມສົມບຸນຫຼາຍຢ່າງ.
ຕອນເຊົ້າວັນທີ 8/3, ສະຫະພັນແມ່ຍິງນະຄອນໂຮ່ຈີມິນ ໄດ້ຈັດຕັ້ງພິທີສະເຫຼີມສະຫຼອງ 103 ແຫ່ງວັນແມ່ຍິງສາກົນ ແລະ 1973 ປີ ແຫ່ງວັນສອງພະນາງຈຶງ ລຸກຮຶ້ຂຶ້ນ ກໍ່ຄືປຸກລະດົມຂະບວນການແຂ່ງຂັນຕອບສະໜອງປີຄອບຄົວຫວຽດນາມ, 65 ປີ ແຫ່ງວັນລຸງໂຮ່ ອອກຄຳຮຽກຮ້ອງແຂ່ງຂັນຮັກຊາດ. ທີ່ງານບຸນ, ບັນດາຜູ້ແທນໄດ້ທົບທວນຄືນມູນເຊື້ອ, ຄວາມໝາຍປະຫວັດສາດຂອງຂະບວນການແມ່ຍິງສາກົນ 8/3, ການລຸກຮຶ້ຂຶ້ນຂອງສອງພະນາງຈຶງ, ພ້ອມທັງເນັ້ນໜັກບົດບາດຂອງແມ່ຍິງຫວຽດນາມເວົ້າລວມ, ເວົ້າສະເພາະແມ່ນແມ່ຍິງນະຄອນໂຮ່ຈີມິນ ໃນການພັດທະນາປະເທດຊາດ.
ເນື່ອງໃນໂອກາດນີ້, ຫຼາຍທ້ອງຖີ່ນໃນທົ່ວປະເທດກໍ່ດຳເນີນການເຄື່ອນໄຫວຊົມເຊີຍວັນແມ່ຍິງສາກົນ 8/3, ເພື່ອແນໃສ່ເຊີດຊູບົດບາດ ແລະ ໜ້າທີ່ຮັບຜິດຊອບອັນໃຫຍ່ຫຼວງຂອງແມ່ຍິງໃນຍຸກປະຈະບັນ, ເຊິ່ງໄດ້ປະກອບສ່ວນສຳຄັນເຂົ້າໃນການພັດທະນາຂອງສັງຄົມ.