ທ່ານນາງ Nguyen Thi Kim Ngan, ຮອງປະທານສະພາແຫ່ງຊາດ
ພື່ອປຶກສາຫາລືກ່ຽວກັບເພື່ອຄວາມກ້າວໜ້າຂອງແມ່ຍິງຢູ່ຫວຽດນາມ
(ພາບ: genic.molisa.gov.vn)
(vovworld) - ວັນທີ 20/10, ຄະນະກຳມະການແຫ່ງຊາດເພື່ອຄວາມກ້າວໜ້າຂອງແມ່ຍິງຫວຽດນາມ ໄດ້ຈັດການເຈລະຈາຂັ້ນສູງ ເພື່ອປຶກສາຫາລືກ່ຽວກັບບັນດາມາດຕະການຍົກສູງຄຸນນະພາບ, ປະສິດທິຜົນວຽກງານ ເພື່ອຄວາມກ້າວໜ້າຂອງແມ່ຍິງຢູ່ຫວຽດນາມ. ນະທີ່ນີ້, ທ່ານນາງ Nguyen Thi Kim Ngan, ຮອງປະທານສະພາແຫ່ງຊາດໄດ້ຢືນຢັນວ່າ: ພັກ ແລະ ລັດຫວຽດນາມ ຍາມໃດກໍ່ມີຄວາມເອົາໃຈໃສ່, ຊຸກຍູ້ຈຸດໝາຍຄວາມສະເໝີພາບລະຫວ່າງຍິງຊາຍ ເພື່ອຄວາມກ້າວໜ້າຂອງແມ່ຍິງ:
”ໝາກຜົນແຫ່ງການປະຕິບັດຄວາມສະເໝີພາບລະຫວ່າງຍິງຊາຍຢູ່ຫວຽດນາມໄດ້ຮັບການຈັດອັນດັບສູງກວ່າປະເທດຕ່າງໆທີ່ມີລະດັບພັດທະນາ ແລະ ລາຍຮັບເທົ່າທຽມກັນ. ຫວຽດນາມ ກໍ່ແມ່ນປະເທດທີ່ລົບລ້າງຄວາມຜິດໂຕນກັນລະຫວ່າງຍິງຊາຍໄວກວ່າໝູ່ຢູ່ອາຊີຕາເວັນອອກສ່ຽງໃຕ້ ໃນຮອບເວລາ 20 ປີທີ່ຜ່ານມາ. ດ້ວຍນະໂຍບາຍຂອງພັກ, ລັດ ແລະ ຄວາມມານະພະຍາຍາມຂອງຕົນ, ແມ່ຍິງຫວຽດນາມ ໄດ້ຜ່ານຜ່າຄວາມຫຍຸ້ງຍາກບືນຕົວຂຶ້ນໃນຫຼາຍຂົງເຂດ”.
ປະຈຸບັນ, ແມ່ຍິງຫວຽດນາມ ໄດ້ດຳລົງຕຳແໜ່ງລັດຖະມົນຕີ, ຮອງລັດຖະມົນຕີໃນ 14/30 ກະຊວງ, ອົງການທຽບເທົ່າກະຊວງ, ອົງການຂຶ້ນກັບລັດຖະບານ. ໃນຂົງເຂດວຽກງານ, ອັດຕາສ່ວນຜູ້ອອກແຮງງານຍິງກວມ 48%, ບັນລຸມາດຕະຖານຂອງຍຸດທະສາດແຫ່ງຊາດກ່ຽວກັບຄວາມສະເໝີພາບລະຫວ່າງຍິງຊາຍທີ່ໄດ້ວາງອອກ.
ກ່ອນໜ້ານັ້ນ, ຕອນຄຳ່ວັນທີ 19/10, ສູນກາງສະຫະພັນແມ່ຍິງຫວຽດນາມ, ຄັງຍ້ອງຍໍແມ່ຍິງທີ່ເກັ່ງກ້າສາມາດຫວຽດນາມ ໄດ້ມອບລາງວັນແມ່ຍິງຫວຽດນາມປີ 2012 ໃຫ້ 6 ໝູ່ຄະນະ ແລະ 10 ຄົນ ທີ່ມີຜົນງານດີເດັ່ນ, ມີການປະກອບສ່ວນຫຼາຍຢ່າງໃຫ້ແກ່ປະເທດຊາດ ແລະ ຂະບວນການແມ່ຍິງຫວຽດນາມ.