ບັນດາຜູ້ທີ່ມີຍົກສັດຕຳແໜ່ງທາງສາສະໜາ, ພະສົງສຳມະເນັນ, ພຸດທະສາສະນິກກະຊົນຫວຽດນາມເຂົ້າຮ່ວມວັນບຸນວິສາຂະບູຊາ |
(vovworld)- ຕອນເຊົ້າວັນທີ 21/5, ຄະນະບໍລິຫານງານສະມາຄົມພຸດທະສາສະໜາຫວຽດນາມນະຄອນໂຮ່ຈິມິນໄດ້ຈັດວັນບຸນວິສາຂະບູຊາ ພ.ສ 2560. ໃນບັນຍາກາດທີ່ເຄັ່ງຂຶມໃນວັນບຸນວິສາຂະບູຊາ ພ.ສ 2560, ບັນດາຜູ້ທີ່ມີຍົກສັດຕຳແໜ່ງທາງສາສະໜາ, ພະສົງສຳມະເນັນ, ພຸດທະສາສະນິກກະຊົນຫວຽດນາມ ໄດ້ທຳພິທີເຄົາລົບທຸງຊາດ, ທຸງສາສະໜາ, ຖວາຍດອກໄມ້ທູບທຽນບູຊາພະພຸດທະເຈົ້າ, ປ່ອຍນົກສັນຕິພາບ, ພາວະນາໃຫ້ໂລກມີສັນຕິພາບ, ປະຊາຊົນມີຄວາມອີມໜຳສຳລານສົມບູນພຸນສຸກ.
ແລະ ກໍໃນຕອນເຊົ້າວັນທີ 21/5, ຢູ່ວັດ ຕືດາມເຫວ້, ສະມາຄົມພຸດທະສາສະໜາຫວຽດນາມແຂວງເທື່ອທຽນເຫວ້ກໍໄດ້ຈັດ ວັນບຸນວິສາຂະບູຊາ ພ.ສ 2560ຂຶ້ນ. ນະວັນບຸນວິສາຂະບູຊາ ພ.ສ 2560, ພະອາຈານມະຫາ ທິກເຄ້ເຈີນ, ຮອງຫົວໜ້າຜູ້ປະຈຳການຄະນະບໍລິຫານງານສະມາຄົມພຸດທະສາສະໜາຫວຽດນາມແຂວງເທື່ອທຽນເຫວ້ ໃຫ້ຮູ້ວ່າ :
“ ຮອດ ວັນບຸນວິສາຂະບູຊາໃນແຕ່ລະປີ, ພະສົງສຳມະເນັນ, ພຸດທະສາສະນິກກະຊົນຫວຽດນາມ ດ້ວຍຄວາມເຄົາລົບນັບຖືໄດ້ພາກັນມາຈັດພິທີແຫ່ພະພຸດທະຮູບຈາກວັດຢ້ຽວເດ້ໄປຍັງວັດຕືດາມ. ໃນພິທີບູຊາໃນ ວັນບຸນວິສາຂະບູຊາ ພ.ສ 2560 ນີ້, ພະສົງສຳມະເນັນ, ພຸດທະສາສະນິກກະຊົນຫວຽດນາມທັງໝົດລ້ວນແຕ່ພາວະນາໃຫ້ປະເທດຊາດເຂັ້ມແຂງ, ໂລກມີສັນຕິພາບ, ສາສະໜາຍືນຍົງຄົງຕົວ, ປະຊາຊົນມີຄວາມອີມໜຳສຳລານສົມບູນພຸນສຸກ ”