ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ບູ່ຍແທງເຊີນ
(ພາບອິນເຕີແນັດ)
(vovworld) – “ການເຊື່ອມໂຍງສາກົນໃນໄລຍະໃໝ່ - ບາງບັນຫາທີ່ວາງອອກສຳລັບທ້ອງຖິ່ນ, ວິສາຫະກິດ” ແມ່ນຫົວຂໍ້ຂອງການເຈລະຈາ ໂດຍຄະນະກຳມະການປະຊາຊົນ ນະຄອນ ເກີນເທີ ສົມທົບກັບ ກະຊວງການຕ່າງປະເທດ ຈັດຕັ້ງໃນວັນທີ 2/10, ຢູ່ເກີນເທີ. ທີ່ການເຈລະຈາ, ເພື່ອພັດທະນາຢ່າງໄວ ແລະ ໝັ້ນຄົງ, ຫວຽດນາມ ຕ້ອງສືບຕໍ່ຂະບວນວິວັດເຊື່ອມໂຍງເຂົ້າກັບສາກົນຢ່າງຮອບດ້ານ ແລະ ນັບມື້ນັບເລິກເຊິ່ງ. ພິເສດການ ເຊື່ອມໂຍງເຂົ້າກັບສາກົນຕ້ອງຍົກສູງທີ່ຕັ້ງແຫ່ງຊາດໃນເວທີສາກົນ. ກ່າວຄຳເຫັນທີ່ການເຈລະຈາ, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດ ບູ່ຍແທງເຊີນ ຖືວ່າ:
“ພາລະກິດເຊື່ອມໂຍງເຂົ້າກັບສາກົນແມ່ນກຳນົດທິດທາງຍຸດທະສາດໃຫຍ່ຂອງພັກ ແລະ ລັດ, ໄດ້ຮັບການຜັນຂະຫຍາຍໃນທຸກຂົງເຂດ. ໃນນັ້ນ, ເຊື່ອມໂຍງເຂົ້າກັບສາກົນແມ່ນຈຸດສຸມ. ຄາດໝາຍຕົ້ນຕໍແມ່ນພວກເຮົາຈະເປີດປະຕູໃຫ້ສິນຄ້າສົ່ງອອກມີທ່າແຮງປະເພດຕ່າງໆ. ປະຈຸບັນກະຊວງການຕ່າງປະເທດຄວນສົມທົບກັບກະຊວງ, ຂະແໜງການຕ່າງໆເພື່ອ ອັບເດັດບັນດາເນື້ອໃນສະດວກກໍຄືຄວາມຫຍຸ້ງຍາດ, ການທ້າທາຍຕ່າງໆ ເຊິ່ງບັນດາວິສາຫະກິດພາຍໃນປະເທດຕ້ອງປະເຊິນໜ້າ…ເພື່ອໃຫ້ວິສາຫະກິດກະກຽມ”.
ພາຍຫລັງຈັດຕັ້ງການເຈລະຈາຢູ່ນະຄອນ ເກີນເທີ, ກະຊວງການຕ່າງປະເທດຈະສືບຕໍ່ການເຈລະຈາຢູ່ບັນດາແຂວງທີ່ຍັງເຫຼືອທີ່ໃນເຂດ, ເພື່ອສ້າງເງື່ອນໄຂດີທີ່ສຸດ ເພື່ອໃຫ້ບັນດາທ້ອງຖິ່ນໃນເຂດໝູນໃຊ້ກາລະໂອກາດ, ຍູ້ໄວການພັດທະນາໃນວິວັດແຫ່ງການເຊື່ອມໂຍງ.