ການໂອ້ລົມສົນທະນາ“ປະຊາຄົມການເມືອງ-ຄວາມໝັ້ນຄົງອາຊຽນ”
(ການໂອ້ລົມສົນທະນາ “ປະຊາຄົມການເມືອງ-ຄວາມໝັ້ນຄົງອາຊຽນ”)
(vovworld) - ວັນທີ 13/06, ຢູ່ຮ່າໂນ້ຍ, ກຳມາທິການການຕ່າງປະເທດຂອງສະພາແຫ່ງຊາດ ໄດ້ຈັດການໂອ້ລົມສົນທະນາ “ປະຊາຄົມການເມືອງ - ຄວາມໝັ້ນຄົງອາຊຽນ”. ນີ້ແມ່ນໜຶ່ງໃນບັນດາການໂອ້ລົມສົນທະນາກ່ຽວຂ້ອງເຖິງ 3 ເສົາຄ້ຳຂອງອາຊຽນຄື: ປະຊາຄົມການເມືອງ - ຄວາມໝັ້ນຄົງ, ປະຊາຄົມເສດຖະກິດ, ປະຊາຄົມວັດທະນະທຳ ສັງຄົມ ເພື່ອກະກ່ຽມໃຫ້ວາລະອະພິປາຍກ່ຽວກັບປະຊາຄົນອາຊຽນ ຊຶ່ງຄາດວ່າຈະຖືກຈັດຂຶ້ນໃນວັນທີ 18/08/2015. ກ່າວຄຳເຫັນທີ່ການໂອ້ລົມສົນທະນາ, ທ່ານເຈີນວັນຮັ່ງ, ປະທານກຳມາທິການການຕ່າງປະເທດສະພາແຫ່ງຊາດ ເນັ້ນໜັກວ່າ: ການໂອ້ລົມສົນທະນາຄັ້ງນີ້ ແມ່ນໂອກາດເພື່ອໃຫ້ບັນດາຜູ້ແທນຊຸມໃສ່ອັບເດັດຂໍ້ມູນ, ແລກປ່ຽນ, ປຶກສາຫາລືປະກອບຄຳເຫັນເຂົ້າໃນການສ້າງນະໂຍບາຍ, ກົດໝາຍເພື່ອສືບຕໍ່ເຊື່ອມໂຍງຢ່າງເລິກເຊິ່ງ, ກວ້າງຂວາງ, ແທດຈິງກວ່າໃນອາຊຽນ, ເສີມຂະຫຍາຍຈົດສຸດທ່າແຮງເຖິງວິວັດທະນາການເຊື່ອມໂຍງເຂົ້າກັບສາກົນນຳມາໃຫ້.
ທີ່ການໂອ້ລົມສົນທະນາ, ບັນດາຜູ້ແທນໄດ້ເປັນເອກະພາບໂດຍຖືວ່າ, ປະຊາຄົມການເມືອງ - ຄວາມໝັ້ນຄົງອາຊຽນ ແມ່ນເສົາຄ້ຳສວມບົດບາດສຳຄັນ, ພິເສດໃນສະພາບການທີ່ຄວາມສະຫງົບການເມືອງຢູ່ພາກພື້ນ ມີການຜັນແປ່ຢ່າງສັບສົນ, ໂດຍສະເພາະແມ່ນຄວາມເຄັ່ງຕຶງຢູ່ທະເລຕາເວັນອອກ ຮຽກຮ້ອງໃຫ້ບັນດາປະເທດອາຊຽນ ຕ້ອງປັບປຸງຄວາມສາມັກຄີ, ຍົກສູງບົດບາດໃຈກາງ ກໍ່ຄືທີ່ຕັ້ງບົດບາດຂອງອາຊຽນ ໃນການແກ້ໄຂບັນດາບັນຫາຄວາມສະຫງົບໃນພາກພື້ນ ແລະ ຢູ່ໃນໂລກ…