ກາລະໂອກາດສົ່ງອອກເຂົ້າສານໄປ ໂຮງກົງ, ຈີນ
( ພາບປະກອບ ) ( vovworld ) - ກະຊວງອຸດສາຫະກຳ ແລະ ການຄ້າຫວຽດນາມ ໃຫ້ຮູ້ວ່າ, ວັນທີ 1/3 ທີ່ຈະມາເຖິງ, ຄະນະຜູ້ແທນສະຫະສະມາຄົມບັນດານັກທຸລະກິດດຳເນີນທຸລະກິດເຂົ້າສານຮົ່ງກົງ, ຈີນ ຈະມາສຳຫຼວດເພື່ອຊອກຮູ້ຄວາມສາມາດ ແລະ ຄວາມຕ້ອງການໃນການສົ່ງອອກເຂົ້າສານຂອງບັນດາວິສາຫະກິດໃນບໍລິເວັນແຂວງກຽນຢາງ ເພື່ອກໍ່ສ້າງຍຸດທະສາດ, ແຜນການນຳເຂົ້າ ເຂົ້າສານ. ນີ້ແມ່ນກາລະໂອກາດທີດີເພື່ອໃຫ້ບັນດາວິສາຫະກິດໃນບໍລິເວນແຂວງໂຄສະນາຄວາມສາມາດບົ່ມຊ້ອນ, ທ່າແຮງ ແລະ ກຳລັງຄວາມສາມາດ ເພື່ອໃຫ້ສອງຝ່າຍຕົກລົງ ແລະ ເຊັນສັນຍາຫຼັກການປະຕິບັດ. ນີ້ກໍແມ່ນກາລະໂອກາດທີ່ດີ ເພື່ອຊັບຊ້ອນການຜະລິດເຂົ້າສານຂອງຫວຽດນາມຄືນໃໝ່ ຕາມທິດຜະລິດເຂົ້າທີ່ເປັນສິນຄ້າທີ່ມີຄຸນນະພາບສູງ, ສ້າງເຄື່ອງໝາຍເຂົ້າສານເມັດຍາວຂອງຫວຽດນາມ ເພື່ອແນໃສ່ເພີ່ມຄວາມສາມາດແກ່ງແຍ້ງຂອງເຂົ້າສານຫວຽດນາມ ໃນຕະຫຼາດໂລກກໍຄືເພີ່ມມູນຄ່າສົ່ງອອກ. ປະຈຸບັນໂຮງກົງ, ຈີນ ແມ່ນຕະຫຼາດນຳເຂົ້າ ເຂົ້າຫອມຕົ້ນຕໍ່ຂອງຫວຽດນາມ. ໃນໄລຍະທີ່ຜ່ານມາເຂົ້າຫອມຫວຽດນາມ ໄດ້ດຶງດູດຄວາມເອົາໃຈໃສ່ຈາກບັນດາຕະຫຼາດຄື, ອາເມລິກາ, ເອີລົບ, ອົດສຕາລີ, ຈີນ ແລະ ບັນດາປະເທດໃນເຂດຕາເວັນອອກກາງ.