ບໍ່ອາຍແກດສ Amenas
ພາບ: AFP
|
(vovworld) - ວັນທີ 18/1, ສຳນັກຂ່າວສານແຫ່ງຊາດ ອານເຊຣີ ໃຫ້ຂ່າວວ່າ: ຕົວປະກັນ 12 ຄົນຖືກເສຍຊີວິດໃນບັ້ນຮົບກູ້ເອົາຊີວິດ ຊື່ງດຳເນີນໄປໃນວັນທີ 17/1 ພາຍຫລັງມື້ຫນຶ່ງເກີດເຫດລອບຈັບຕົວປະກັນ ຢູ່ບໍ່ອາຍແກດ Amenas ແຂວງ Illizi ພາກໃຕ້ອານເຊຣີ. ໃນບັ້ນກູ້ເຊົາຊີວິດນີ້, ທະຫານ ອານເຊຣີ ກູ້ເອົາຊີວິດຕົວປະກັນໄດ້ເກືອບ 650 ຄົນ, ໃນນັ້ນ ຊາວຕ່າງປະເທດ 70 ຄົນຖືກພວກມືປືນມຸດສະລິມຈັບຄຸ້ມຂັງຢູ່ບໍ່ອາຍແກດສ ດັ່ງກ່າວ. ພວກກໍ່ການຮ້າຍ 3 ຄົນຖືກຈັບຄຸມຂັງໃນບັ້ນກູ້ເອົາຊີວິດນີ້. ໃນຂະນະນັ້ນ, ສຳນັກຂ່າວສານ ANI ຄັດແຫລ່ງຂ່າວໃຫ້ຮູ້ວ່າ: ຫົວໂປ່ກໍ່ການຮ້າຍ ຊາວ ອານເຊຣີ Mokhatar Belmokhtar ໃຫ້ຮູ້ວ່າ: ປະຈຸບັນ ພວມຄຸມຂັງຕົວປະກັນ 7 ຄົນ ໃນນັ້ນ ຊາວອາເມລິກາ 2 ຄົນ, ຍີ່ປຸ່ນ ຄົນຫນຶ່ງ, ອັງກິດ ຄົນຫນື່ງ ແລະ ແບນຊິກ 3 ຄົນ ຢູ່ ສະຖານທີ່ແຫ່ງຫນຶ່ງໃກ້ກັບເຂດຊາຍແດນຕິດກັບ ລີບີ. ຫົວໂປ່ Belmokhtar ສະເຫນີ ແລກປ່ຽນຕົວປະກັນຊາວ ອາເມລິກາ 2 ຄົນ ທີ່ຍັງເຫລືອ ແທນເອົາ Omar Abdul Rahman ຊາວອີຢີບ ແລະ Aafia Siddiqui ຊາວປາກິສະຖານ ປະຈຸບັນ ພວມຖືກຄຸມຂັງຢູ່ ອາເມລິກາ ທີ່ຖືກຜູກໂທດແມ່ນກ່ຽວຂ້ອງເຖິງການບຸກໂຈມຕີ.