ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຕ້ອນຮັບທ່ານ Morava Vojtech Filip ຮອງປະທານສະພາຕໍ່າ ສາທາລະນະລັດ ເຊັກໂກ (ພາບ: quochoi.vn)

        ທີ່ການຕ້ອນຮັບ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະເໜີໃຫ້ສອງຝ່າຍພ້ອມກັນສົມທົບຈັດຕັ້ງບັນດາການເຄື່ອນໄຫວສະເຫຼີມສະຫຼອງ 70 ປີ ແຫ່ງວັນສ້າງຕັ້ງການພົວພັນທາງການທູດໃນປີ 2020. ທ່ານນາງ ຫງວຽນທິກິມເງິນ ກໍປາດຖະໜາວ່າ ສອງຝ່າຍຈະສືບຕໍ່ເພີ່ມທະວີການຮ່ວມມືໃນບັນດາຂົງເຂດປ້ອງກັນຊາດ - ປ້ອງກັນຄວາມສະຫງົບ, ການສຶກສາ - ບໍາລຸງສ້າງ, ພະລັງງານ, ປົກປັກຮັກສາສິ່ງແວດລ້ອມ, ວິທະຍາສາດ-ເຕັກໂນໂລຢີ, ສາທາລະນະສຸກ, ກະສິກໍາ, ສູ້ຊົນຍົກວົງເງິນການຄ້າສອງສົ້ນໃຫ້ບັນລຸລະດັບທີ່ສົມກັບທ່າແຮງບົ່ມຊ້ອນ ແລະ ຄວາມມຸ່ງມາດປາດຖະໜາຂອງທັງສອງຝ່າຍ.

        ສ່ວນທ່ານ Morava Vojtech Filip ຮອງປະທານສະພາຕໍ່າ ເຊັກໂກ ປາດຖະໜາວ່າ ການນໍາສະພາແຫ່ງຊາດ ຈະສືບຕໍ່ສ້າງເງື່ອນໄຂເພື່ອໃຫ້ບັນດາກໍາມາທິການວິຊາການ ຍູ້ແຮງການຮ່ວມມື, ແລກປ່ຽນປະສົບການ ປະກອບສ່ວນເຂົ້າໃນການເພີ່ມທະວີການພົວພັນລະຫວ່າງບັນດາອົງການນິຕິບັນຍັດ ລະຫວ່າງ ເຊັກໂກ ແລະ ຫວຽດນາມ.

        ກ່ອນໜ້ານັ້ນ, ໃນວັນດຽວກັນ, ທ່ານນາງ ຕ່ອງທິຟ໊ອງ ຮອງປະທານສະພາແຫ່ງຊາດຫວຽດນາມ ໄດ້ເຈລະຈາ ກັບທ່ານ Morava Vojtech Filip ຮອງປະທານສະພາຕໍ່າ ສາທາລະນະລັດ ເຊັກໂກ. ນະທີ່ນີ້, ທ່ານນາງ ຕ່ອງທິຟ໊ອງ ປາດຖະໜາວ່າ ສອງຝ່າຍຈະດໍາເນີນການເຈລະຈາ ແລະ ລົງນາມໃນຂໍ້ຕົກລົງສອງຝ່າຍໂດຍໄວ ເພື່ອແນໃສ່ເພີ່ມທະວີການຮ່ວມມືໃນການສົ່ງອອກແຮງງານ, ສ້າງພື້ນໃຫ້ຖານແກ່ການນໍາພະຍາບານ ໄປເຮັດວຽກຢູ່ ສ.ເຊັກໂກ.