ຂະແໜງກະສິກຳ ດຶງດູດບັນດາໂຄງການ ລົງທຶນເຕັກໂນໂລຊີສູງ
(ພາບປະກອບ: vietnamplus.vn)
(vovworld)- ກະຊວງກະສິກຳ ແລະ ພັດທະນາຊົນນະບົດຫວຽດນາມ ໃຫ້ຮູ້ວ່າ: ໃນໄລຍະຈະມາເຖິງ, ການກຳນົດທິດດຶງດູດການລົງທຶນຂອງຕ່າງປະເທດເຂົ້າຂະແໜງກະສິກຳ ແມ່ນຈະສຸມໃສ່ບັນດາໂຄງການນຳໃຊ້ເຕັກໂນໂລຊີສູງ, ບໍ່ກໍມົນລະພິດຕໍ່ສິ່ງແວດລ້ອມ, ເພີ່ມທະວີການຮ່ວມສຳພັນກັບວິສາຫະກິດພາຍໃນປະເທດ. ພ້ອມກັນນັ້ນ, ທາງກະຊວງມີແຜນນະໂຍບາຍດຶງດູດການລົງທຶນເຂົ້າຂະແໜງຮັກສາ, ປຸງແຕ່ງຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳ, ໂດຍສະເພາະແມ່ນການຮັກສາຫຼັງການເກັບກ່ຽວເພື່ອແນໃສ່ເພີ່ມກຳລັງແກ່ງແຍ້ງ, ຍົກສູງມູນຄ່າເພີ່ມໃຫ້ແກ່ຜະລິດຕະະພັນ. ເພື່ອໃຫ້ການດຶງດູດການລົງທຶນຂອງຕ່າງປະເທດບັນລຸປະສິດທິຜົນ, ທາງກະຊວງກະສິກຳ ແລະ ພັດທະນາຊົນນະບົດຫວຽດນາມ ພວມຕັ້ງໜ້າສ້າງບັນດາເອກະສານນິຕິກຳສຳເລັດຕາມທິດສະດວກສະບາຍ, ຈະແຈ້ງ, ຫັນລະບຽບການເປັນງາຍດາຍ, ສ້າງເງື່ອນໄຂອຳນວຍຄວາມສະດວກ ແລະ ໃຫ້ບຸລິມະສິດສູງສຸດແກ່ນັກລົງທຶນຕ່າງປະເທດໃນຂົງເຂດກະສິກຳ, ປ່າໄມ້, ສິນໃນນ້ຳ. ທາງກະຊວງກໍ່ຈະເອົາໃຈໃສ່ເປັນເພິເສດເຖິງການຫັນບັນດາຮູບການລົງທຶນອື່ນ ນອກຈາກການລົງທຶນຂອງຕ່າງປະເທດເປັນຫຼາຍຮູບຫຼາຍແບບ ດ້ວຍການສົ່ງເສີມທ້ອງຖິ່ນຕ່າງໆ, ບັນດາພາກສ່ວນເສດຖະກິດ ແລະ ບັນດາຄູ່ຮ່ວມມືພັດທະນາ, ເປັນເຈົ້າການເຂົ້າຮ່ວມໃນບັນດາການເຄື່ອນໄຫວລົງທຶນ, ໃຫ້ຄຳປຶກສາດ້ານເຕັກນິກ, ປະກອບຄຳເຫັນສ້າງນະໂຍບາຍ, ສ້າງເງື່ອນໄຂສະດວກໃຫ້ຊາວກະສິກອນສາມາດເຂົ້າຮ່ວມໃນການເຄື່ອນໄຫວຜະລິດ ແລະ ພັດທະນາຢ່າງມີປະສິດທິຜົນກ່ວາອີກ.