ທ່ານເຈິ່ນດຶກເຟີ໋ນ ຕອບສໍາພາດຕໍ່ນັກຂ່າວຢູ່ກອງປະຊຸຸມຂ່າວວັນທີ 30 ສິງຫາ

ມາຮອດຈຸດເວລານີ້, ເຖິງວ່າ ASIAD 2018 ຍັງບໍ່ທັນສິ້ນສຸດລົງກໍຕາມ ແຕ່ຄະນະນັກກິລາຫວຽດນາມ ກໍໄດ້ປະຕິບັດສໍາເລັດໜ້າທີ່ ທີ່ໄດ້ວາງອອກ ກ່ອນການເດີນທາງໄປແຂ່ງຂັນ. ເມື່ອຕີລາຄາສັງລວມກ່ຽວກັບຜົນງານຢູ່ງານມະຫາກໍາກິລາຄັ້ງນີ້, ທ່ານເຈິ່ນດຶກເຟີ໋ນ ຮອງຫົວໜ້າກົມໃຫຍ່ກິລາກາຍະກໍາ, ຫົວໜ້າຄະນະກິລາຫວຽດນາມເຂົ້າຮ່ວມ ASIAD 2018 ໃຫ້ຮູ້ວ່າ:

        “ກ່ອນທີ່ຈະເດີນທາງໄປແຂ່ງຂັນຢູ່ ງານມະຫາກໍາກິລາ ASIAD 2018, ຄະນະນັກກິລາໄດ້ວາງອອກຄາດໝາຍສໍາຄັນ, ຕ້ອງຄວ້າໄດ້ຫຼຽນຄໍາໃນປະເພດກິລາໜຶ່ງ ດ້ວຍຄາດໝາຍທີ່ວາງອອກຄືດັ່ງນັ້ນ, ຫວຽດນາມຄວ້າໄດ້ 2 ຫຼຽນຄໍາ ໃນລາຍການແຂ່ງຂັນ rowing  ແລະ ສໍາຄັນແມ່ນ ຫຼຽນຄໍາໃນການແຂ່ງຂັນແລ່ນແລະລານ. ໄປຄຽງຄູ່ກັນນັ້ນ ແມ່ນການແຂ່ງຂັນ silat ຂອງປະເທດເຈົ້າພາບ, ເປັນຄັ້ງທໍາອິດທີ່ໄດ້ນໍາເຂົ້າແຂ່ງຂັນຢູ່ ASIAD. ດ້ວຍ ຫຼຽນຄໍາ 4 ຫຼຽນນີີ້ ຄະນະກິລາຫວຽດນາມ ໄດ້ປະຕິບັດສໍາເລັດໜ້າທີ່”.