ຄະນະກຳມະການເອີລົບເພີ່ມກອງທຶນເພື່ອແກ້ໄຂວິກິດການຊາວອົບພະຍົບ
(vovworld)- ວັນທີ 23/9, ກ່ອນທີ່ດຳເນີນກອງປະຊຸມສຸດຍອດບໍ່ເປັນທາງການກ່ຽວກັບບັນຫາຊາວອົບພະຍົບ ຢູ່ ບຣຸກແຊນ ປະເທດ ແບນຊີກ, ຄະນະກຳມະການເອີລົບ (EC) ສະເຫນີເພີ່ມຈຳນວນເງິນ 1,9 ຕື້ USD ເພື່ອຫນູນຊ່ວຍແກ້ໄຂວິກິດການຊາວອົບພະຍົບຄັ້ງໃຫຍ່ສຸດນັບແຕ່ພາຍຫລັງສົງຄາມໂລກຄັ້ງທີ 2 ມາຮອດປະຈຸບັນ. ກ່າວຄຳເຫັນທີ່ການປະຊຸມຂ່າວກ່ອນດຳເນີນກອງປະຊຸມ, ທ່ານ Kristalina Georgieva, ກຳມະການ EC ກ່ຽວກັບງົບປະມານ ໃຫ້ຮູ້ວ່າ: ກອງທຶນດັ່ງກ່າວຈະໄດ້ນຳໃຊ້ພາຍໃນ ສະຫະພາບເອີລົບ EU ເພື່ອປັບປຸງພື້ນຖານໂຄງລ່າງ ແນໃສ່ຕ້ອນຮັບຊາວອົບພະຍົບ ກໍຄືຫນູນຊ່ວຍບັນດາປະເທດ ພວມຮັບຊາວອົບພະຍົບເຂົ້າເມືອງເປັນຈຳນວນຫລວງຫລາຍ. ຈຳນວນເງິນດັ່ງກ່າວ ກໍໄດ້ນຳໃຊ້ເພື່ອຫນູນຊ່ວຍໃຫ້ ຊາວອົບພະຍົບ ນອກ EU.