(vovworld) - ຕອນບ່າຍວັນທີ 5/3, ຄະນະຕິດຕາມກວດກາຂອງຄະນະປະຈຳສະພາແຫ່ງຊາດຫວຽດນາມ ໂດຍທ່ານ ຫງວຽນວັນຟູກ, ຮອງຫົວໜ້າກຳມາທິການເສດຖະກິດ ມີການເຮັດວຽກກັບການນຳແຂວງ ກວາງນາມ ກ່ຽວກັບສະພາບການຜັນຂະຫຍາຍການປະຕິບັດນະໂຍບາຍ, ກົດໝາຍວ່າດ້ວຍການລົງທຶນຂອງລັດໃຫ້ແກ່ຂົງເຂດກະສິກຳ ຊາວກະສິກອນ, ຊົນນະບົດ ໄລຍະ 2006 – 2011. 5 ປີຜ່ານມາ, ທຶນແຫ່ງລັດ, ທຶນ ODA ແລະ ແຫຼ່ງທຶນຈາກສັງຄົມທີ່ລົງທຶນໃຫ້ແກ່ຂົງເຂດກະສິກຳ, ຊາວກະສິກອນ, ຊົນນະບົດໃນບໍລິເວນ ແຂວງກວາງນາມ ແມ່ນເກືອບ 52.000 ຕື້ດົ່ງ, ສ້າງປະຖົມປັດໃຈເພື່ອຍູ້ແຮງການຫັນກະສິກຳ, ຊົນນະບົດເປັນອຸດສາຫະກຳ ແລະ ທັນສະໄໝ. ຄະນະຕິດຕາມກວດກາຂອງຄະນະປະຈຳສະພາແຫ່ງຊາດສະເໜີໃຫ້ແຂວງ ເອົາໃຈໃສ່ເປັນພິເສດເຖິງການບຳລຸງສ້າງຄົນງານຢູ່ເຂດຊົນນະບົດ, ລົງທຶນໃຫ້ແກ່ສາທາລະນະສຸກ, ພື້ນຖານໂຄງລ່າງຊົນນະບົດ.