(ພາບປະກອບ)
(vovworld) - ຕາມລາຍການ, ທີ່ກອງປະຊຸມເຊິ່ງຈະດຳເນີນໄປໃນລະຫວ່າງວັນທີ 14 – 16/01, ຄະນະປະຈຳສະພາແຫ່ງຊາດຊຸດທີ 13 ຈະໃຫ້ຄຳຄິດຄຳເຫັນກ່ຽວກັບບັນດາບັນຫາໃຫຍ່ທີ່ຍັງມີຄວາມເຫັນແຕກຕ່າງກັນຂອງຮ່າງກົດໝາຍວ່າດ້ວຍທີ່ດິນ (ສະບັບປັບປຸງ) ແລະ ບັນດາແຜນຮ່າງຄື: ຮ່າງກົດໝາຍວ່າດ້ວຍການສຶກສາປ້ອງກັນຊາດ, ປ້ອງກັນຄວາມສະຫງົບ; ຮ່າງກົດໝາຍວ່າດ້ວຍການປ້ອງກັນ, ຕ້ານກໍການຮ້າຍ; ຮ່າງກົດໝາຍວ່າດ້ວຍປ້ອງກັນ, ຫຼີກລ້ຽງ, ຫຼຸດຜ່ອນໄພທຳມະຊາດ; ຮ່າງກົດໝາຍວ່າດ້ວຍວິທະຍາສາດ ແລະ ເຕັກໂນໂລຊີ (ສະບັບປັບປຸງ). ຄະນະປະຈຳສະພາແຫ່ງຊາດ ຈະຮັບຮອງເອົາມະຕິແນະນຳການປະຕິບັດມະຕິຂອງສະພາແຫ່ງຊາດກ່ຽວກັບການລົງຄະແນນສຽງໄວ້ວາງໃຈ ແລະ ປ່ອນບັດໄວ້ວາງໃຈສຳລັບຜູ້ດຳລົງຕຳແໜ່ງໂດຍສະພາແຫ່ງຊາດ, ສະພາປະຊາຊົນເລືອກຕັ້ງ ຫຼື ໃຫ້ສັດຕະຍາບັນ. ໃນວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດ ກໍຈະໃຫ້ຄຳເຫັນການປະກາດໃຊ້ດຳລັດກ່ຽວກັບການເຄື່ອນໄຫວດ້ານຈິດຕະກຳ ແລະ ດຳລັດກຳນົດຮັບຮອງວັນເປັນມູນເຊື້ອ, ວັນສະເຫຼີມສະຫຼອງ ແລະ ວັນຕອບສະໜອງຂອງຫວຽດນາມ, ພ້ອມທັງໃຫ້ຄຳເຫັນກ່ຽວກັບບົດລາຍງານຂອງອົງການກວດສອບແຫ່ງລັດ ກ່ຽວກັບການສ້າງຕັ້ງອົງການກວດກາກວດສອບແຫ່ງລັດ ສັງກັດອົງການກວດສອບແຫ່ງລັດ...