ຄະນະຜູ້ແທນຂັ້ນສູງພັກແຮງງານສປປເກົາຫຼີຢ້ຽມຢາມຫວຽດນາມ
ທ່ານເລຂາທິການໃຫຍ່ ຫງວຽນຟຸຈ້ອງ ຕ້ອນຮັບ ທ່ານ ເຈເທບົກ
ຮອງປະທານຄະນະບໍລິຫານງານສູນກາງພັກແຮງງານ ສປປ.ເກົາຫຼີ
(vovworld) - ຕອນເຊົ້າວັນທີ 06/06, ທີ່ການຕ້ອນຮັບທ່ານ ເຈເທບົກ ຮອງປະທານຄະນະບໍລິຫານງານສູນກາງພັກແຮງງານ ສປປ.ເກົາຫຼີ ນຳໜ້າ ທີ່ພວມຢ້ຽມຢາມ ຫວຽດນາມ, ທ່ານເລຂາທິການໃຫຍ່ ຫງວຽນຟຸຈ້ອງ ໃຫ້ຮູ້ວ່າ: ຫວຽດນາມ ສືບຕໍ່ຮັກສາ ແລະ ປັບປຸງການພົວພັນມິດຕະພາບທີ່ເປັນມູນເຊື້ອກັບ ສປປ.ເກົາຫຼີ. ທ່ານເລຂາທິການໃຫຍ່ ໃຫ້ຮູ້ວ່າ: ຫວຽດນາມ ຈະສືບຕໍ່ຍູ້ແຮງພາລະກິດປ່ຽນໃໝ່, ຢືດໝັ້ນແນວທາງການຕ່າງປະເທດເອກະລາດ, ເປັນເຈົ້າຕົນເອງ, ສັນຕິພາບ, ຮ່ວມມື ແລະ ພັດທະນາ, ຫັນການພົວພັນເປັນຫລາຍຝ່າຍ, ຫລາຍຮູບຫລາຍແບບ, ເປັນເຈົ້າການ ແລະ ຕັ້ງໜ້າເຊື່ອມໂຍງເຂົ້າກັບສາກົນ, ຮັກສາ ແລະ ປັບປຸງການພົວພັນມິດຕະພາບທີ່ເປັນມູນເຊື້ອກັບ ສປປ ເກົາຫຼີ. ທ່ານເລຂາທິການໃຫຍ່ ຫງວຽນຟຸຈ້ອງ ຢັ້ງຢືນຫຼັກໝັ້ນສະເໝີຕົ້ນສະເໝີປາຍຂອງ ຫວຽດນາມ ແມ່ນຮັກສາສັນຕິພາບ, ສະຖຽນລະພາບ ແລະ ປອດນິວເຄຼຍໃນ ແຫຼມເກົາຫຼີ ເພື່ອຜົນປະໂຫຍດຂອງປະຊາຊົນ ສປປ.ເກົາຫຼີ, ຂອງພາກພື້ນ ແລະ ໂລກ. ສ່ວນທ່ານ ເຈເທບົກ ປາດຖະໜາວ່າ: ການນຳ ແລະ ປະຊາຊົນ ສປປ.ເກົາຫຼີ ສືບຕໍ່ປັບປຸງ, ເພີ່ມທະວີການພົວພັນມິດຕະພາບ ແລະ ການຮ່ວມມືກັບ ຫວຽດນາມ ໃນໄລຍະຈະມາເຖິງ.