(vovworld) - ໃນລະຫວ່າງວັນທີ 4 – 7/10, ຢູ່ນະຄອນຫຼວງ Lima, Peru, ໄດ້ດຳເນີນກອງປະຊຸມໃຫຍ່ທົ່ວປະເທດຄັ້ງທີ 14 ພັກກອມມູນິດ Peru. ຄະນະຜູ້ແທນພັກກອມມູນິດຫວຽດນາມ ໂດຍທ່ານ Nguyen Manh Hung, ຮອງຫົວໜ້າຜູ້ປະຈຳການຄະນະພົວພັນຕ່າງປະເທດສູນກາງ ນຳໜ້າໄດ້ເຂົ້າຮ່ວມກອງປະຊຸມ. ຄະນະຜູ້ແທນຫວຽດນາມ ໄດ້ມີການພົບປະ, ເຮັດວຽກກັບທ່ານເລຂາທິການໃຫຍ່ພັກກອມມູນິດ Peru, Roberto De la Cruz Huaman; ທ່ານຮອງເລຂາທິການໃຫຍ່, ກຳມະການກົມການເມືອງ, ເລຂາສູນກາງພັກ Eleazar Briseno ແລະ ທ່ານ ກຳມະການກົມການເມືອງພັກກອມມູນິດ Peru - ປິຕຸພູມແດງ Jorge Jaime.
ທີ່ການພົບປະເຫຼົ່ານັ້ນ, ສອງຝ່າຍໄດ້ແລກປ່ຽນມາດຕະການຕ່າງໆເພື່ອແນໃສ່ຊຸກຍູ້ສາຍພົວພັນສາມັກຄີ, ການຮ່ວມມືທີ່ເປັນມູນເຊື້ອລະຫວ່າງພັກກອມມູນິດຫວຽດນາມ ກັບບັນດາພັກກອມມູນິດອື່ນໆກວ່າອີກ. ພັກກອມມູນິດ Peru ແລະ ພັກກອມມູນິດ Peru - ປິຕຸພູມແດງ, ປາດຖະໜາຢາກເພີ່ມທະວີການແລກປ່ຽນຄະນະຜູ້ແທນ, ຮໍ່າຮຽນເອົາບົດຮຽນຂອງຫວຽດນາມ, ເປີດກວ້າງການຮ່ວມມືໃນທຸກຂົງເຂດເຊິ່ງທັງສອງຝ່າຍມີທ່າແຮງ… ພັກກອມມູນິດ Peru ແລະ ພັກກອມມູນິດ Peru - ປິຕຸພູມແດງ ໄດ້ຕີລາຄາສູງເລື່ອງກຸ່ມບໍລິສັດໂທລະຄົມກອງທັບ (Viettel) ໄດ້ລົງທຶນກໍ່ສ້າງເຄື່ອຂ່າຍໂທລະຄົມຢູ່ Peru ແລະ ຢືນຢັນວ່າຈະສົມທົບກັນ, ໜູນຊ່ວຍ Viettel ແລະ ບັນດາວິສາຫະກິດຫວຽດນາມ ລົງທຶນເຂົ້າ Peru ໃນໄລຍະຈະມາເຖິງ.