ຄໍ່າຄືນສົ່ງເສີມການ ທ່ອງທ່ຽວ ດ່ານັ້ງ - ສ.ເກົາຫຼີ
(ນະຄອນດ່ານັ້ງ)
(vovworld) - ຕອນຄໍ່າວັນທີ 17/12, ຢູ່ດ່ານັ້ງ, ພະແນກວັດທະນະທຳ, ກິລາ ແລະ ທ່ອງທ່ຽວ, ພະແນກພົວພັນຕ່າງປະເທດນະຄອນດ່ານັ້ງ ສົມທົບກັບກົມໃຫຍ່ທ່ອງທ່ຽວສ.ເກົາຫຼີ ປະຈຳຫວຽດນາມ ໄດ້ຈັດ “ຄໍ່າຄືນສົ່ງເສີມການທ່ອງທ່ຽວດ່ານັ້ງ - ສ.ເກົາຫຼີ”. “ຄໍ່າຄືນສົ່ງເສີມການທ່ອງທ່ຽວດ່ານັ້ງ - ສ.ເກົາຫຼີ” ແມ່ນໂອກາດທີ່ດີເພື່ອໂຄສະນາການທ່ອງທ່ຽວດ່ານັ້ງ ແລະ ສ.ເກົາຫຼີ, ແນະນຳສາຍການບິນໂດຍກົງຈາກດ່ານັ້ງ ໄປສ.ເກົາຫຼີ. ນີ້ກໍ່ແມ່ນໂອກາດເພື່ອໃຫ້ບັນດາບໍລິສັດທ່ຽງທ່ຽວ 2 ປະເທດແລກປ່ຽນຂໍ້ມູນ, ຊອກຫາຄູ່ຮ່ວມມື, ຮ່ວມມືພັດທະນາການທ່ອງທ່ຽວໃຫ້ນັບມື້ນັບມີປະສິດທິຜົນ. ທ່ານ Kang Sungghil, ຫົວໜ້າຫ້ອງການຕາງໜ້າກົມໃຫຍ່ທ່ອງທ່ຽວສ.ເກົາຫຼີ ປະຈຳຫວຽດນາມ ໃຫ້ຮູ້ວ່າ.
“ໃນໄລຍະຜ່ານມາ, ການພົວພັນແລກປ່ຽນດ້ານວັດທະນະທຳ ແລະ ທ່ອງທ່ຽວລະຫວ່າງ 2 ປະເທດນັ້ບມື້ນັບພັດທະນາ. ປີ 2012 ມີນັກທ່ອງທ່ຽວຫວຽດນາມ ກວ່າ 100.000 ຄົນໄປທ່ອງທ່ຽວຢູ່ສ.ເກົາຫຼີ, ຂ້າພະເຈົ້າຫວັງວ່າ ປີ 2014 ຈະເພີ່ມຂຶ້ນ. ແຂກທ່ອງທ່ຽວສ.ເກົາຫຼີ ມາຫວຽດນາມ ກໍ່ເພີ່ມຂຶ້ນຫຼາຍພໍສົມຄວນ. ປະຈຸບັນ, ດ່ານັ້ງ ແມ່ນນະຄອນທະເລທີ່ສວຍງາມ ແລະ ມີຊື່ສຽງ ຍ້ອນມີເຂດທ່ອງທ່ຽວ, ເຂດພັກຜ່ອນຢ້ອນອາລົມລະດັບສາກົນຫຼາຍແຫ່ງ ອັນໄດ້ດຶງດູດນັກທ່ອງທ່ຽວ. ພວກຂ້າພະເຈົ້າຈະໂຄສະນາພາບພົດນະຄອນດ່ານັ້ງ ເຖິງປະຊາຊົນສ.ເກົາຫຼີ, ເພື່ອໃຫ້ຊາວສ.ເກົາຫຼີ ຫຼາຍຄົນມາຢ້ຽມຊົມນະຄອນດ່ານັ້ງ ໃນໄລຍະຈະມາເຖິງ.”