(vovworld) – ຕອນບ່າຍວັນທີ 10/02, ສະຫະສະມາຄົມບັນດາອົງການຈັດຕັ້ງມິດຕະພາບຫວຽດນາມ ໄດ້ຈັດງານພົບປະກັບບັນດາອົງການຕາງໜ້າການທູດ, ບັນດາອົງການສາກົນ ແລະ ອົງການບໍ່ຂຶ້ນກັບລັດຖະບານເນື່ອງໃນໂອກາດບຸນເຕັດ ປີມະແມ 2015.
ກ່າວຄຳເຫັນທີ່ພິທີ, ໂດຍຕາງໜ້າໃຫ້ການນຳພັກ, ລັດຫວຽດນາມ ທ່ານນາງຮອງປະທານປະເທດ ຫງວຽນທິຢວານ ໄດ້ຕີລາຄາສູງການຊ່ວຍເຫຼືອຂອງບັນດາຄະນະທູຕານຸທູດ, ອົງການບໍ່ຂຶ້ນກັບລັດຖະບານທີ່ໄດ້ສະຫງວນໃຫ້ຫວຽດນາມ ໃນປີ 2015. ທ່ານນາງຮອງປະທານປະເທດ ເນັ້ນໜັກວ່າ ການເພີ່ມທະວີຄວາມສາມັກຄີລະຫວ່າງປະຊາຊົນປະເທດຕ່າງໆໃນໂລກ ຍາມໃດກໍ່ແມ່ນປັດໄຈສ້າງຜົນສຳເລັດ, ປະກອບສ່ວນສຳຄັນເຂົ້າໃນບັນດາຜົນງານຂອງຫວຽດນາມ ໃນຕະຫຼອດໄລຍະຜ່ານມາ.
ກໍ່ທີ່ງານພົບປະ, ທ່ານ El Houcine Fardani, ເອກອັກຄະລັດຖະທູດວິສາມັນ ຜູ້ມີອຳນາດເຕັມແຫ່ງລາຊະອານາຈັກ ມາຣົກ ປະຈຳຫວຽດນາມ, ຫົວໜ້າຄະນະທູຕານຸທູດ ແລະ ບັນດາຜູ້ຕາງໜ້າຄະນະທຸຕານຸທູດ ປະຈຳຮ່າໂນ້ຍ, ໄດ້ແບ່ງປັນຄວາມມ່ວນຊື່ນຕໍ່ບັນດາຜົນງານຂອງຫວຽດນາມ ໃນການພັດທະນາເສດຖະກິດ.
“ພວກຂ້າພະເຈົ້າສະແດງຄວາມປິຕິຊົມຊື່ນເມື່ອເຫັນວ່າ ຫວຽດນາມ ພວມເຊື່ອມໂຍງເຂົ້າພື້ນຖານເສດຖະກິດທົ່ວໂລກຢ່າງວ່ອງໄວ ຍ້ອນການປະຕິຮູບດ້ານເສດຖະກິດສັງຄົມຂອງຫວຽດນາມ ໂດຍລັດຖະບານປະຕິບັດໃນຕະຫຼອດ 30 ປີຜ່ານມາ. ເລື່ອງລົງນາມໃນເອກະສານການຄ້າເສລີຫຼາຍສະບັບ, ການສ້າງປະຊາຊົນອາຊຽນ ໃນປີ 2015 ແລະ ຜົນງານຂອງວິວັດທະນາການເຈລະຈາຄູ່ຮ່ວມມືຂ້າມປາຊີຟິກ (TPP) ຈະຊ່ວຍໃຫ້ເສດຖະກິດຫວຽດນາມ ນັບມື້ນັບເຊື່ອມໂຍງເຂົ້າເສດຖະກິດໂລກຢ່າງເລິກເຊິ່ງ, ກວ້າງຂວາງກວ່າ”.