ການປະຊຸມຂ່າວກ່ອນຈັດຕັ້ງງານມະໂຫລານມິດຕະພາບ ຊາວຫນຸ່ມ
ຫວຽນາມ - ລາວ
ພາບ: internet |
(vovworld) - ຕອນເຊົ້າວັນທີ 15/9 ຢູ່ ແຂວງ ເຊີນລາ ໄດ້ດຳເນີນການພົບປະສັງສັນແລກປ່ຽນກ່ຽວກັບວຽກງານຊາວຫນຸ່ມ ແລະ ຂະບວນການຊາວຫນຸ່ມລະຫວ່າງຜູ້ແທນການນຳຄະນະຊາວຫນຸ່ມກອມມູນິດໂຮ່ຈິມີນແຂວງ ເຊີນລາ ກັບຜູ້ແທນການນຳຊາວຫນຸ່ມ 8 ແຂວງພາກເຫນືອຂອງລາວ. ນີ້ແມ່ນການເຄື່ອນໄຫວນອນໃນຂອບເຂດ ງານມະໂຫລານມິດຕະພາບຊາວຫນຸ່ມ ແຂວງ ເຊີນລາ ແລະ ບັນດາແຂວງພາກເຫນືອຂອງລາວ ປີ 2012. ທີ່ການພົບປະສັງສັນໃນຕອນເຊົ້າວັນດຽວກັນ, ພາຍໃຕ້ຫົວຂໍ້ວ່າ: “ບົດບາດຂອງຊາວຫນຸ່ມ ແລະ ວຽກງານຊາວຫນຸ່ມດ້ວຍການຮັກສາ ແລະ ເສີມຂະຫຍາຍນ້ຳໃຈສາມັກຄີມິດຕະພາບແບບພິເສດ ຫວຽດນາມ - ລາວ”. ບັນດາຜູ້ແທນໄດ້ແຈ້ງໃຫ້ກັນຊາບກ່ຽວກັບວຽກງານຄະນະຊາວຫນຸ່ມ ແລະ ຂະບວນການຊາວຫນຸ່ມສອງປະເທດ. ພ້ອມກັນນັ້ນ ປຶກສາຫາລື, ແລກປ່ຽນກ່ຽວກັບຫນ້າທີ່ ແລະ ບັນດາມາດຕະການເພື່ອຍົກສູງຄວາມຮັບຮູ້ຂອງໄວຫນຸ່ມສອງປະເທດກ່ຽວກັບສາຍພົວພັນແບບພິເສດ ຫວຽດນາມ ແລະ ລາວ.