(vovworld) – ງານມະໂຫລານໂທລະພາບອາຊີ - ປາຊີຝິກ (ABU) ຄັ້ງທີ 2 ຖືກດຳເນີນໃນຕອນຄຳ່ວັນທີ 26/10 ຢູ່ໂຮງລະຄອນໃຫຍ່ ຮ່າໂນ້ຍ. ນີ້ແມ່ນໜຶ່ງໃນບັນດາເຫດການທີ່ນອນໃນຂອບເຂດລາຍການເຮັດວຽກຂອງກອງປະຊຸມສະມັດຊາໃຫຍ່ຄັ້ງທີ 50 ສະຫະສະມາຄົມ ວິທະຍຸ ໂທລະພາບອາຊີ - ປາຊີຝິກ , ເຊິ່ງຈັດຂຶ້ນເປັນເທື່ອທຳອິດຢູ່ຫວຽດນາມ. ເຂົ້າຮ່ວມງານມະໂຫລານ ມີ 15 ປະເທດ ແລະ ເຂດແຄວ້ນ, ເຕົ້າໂຮມບັນດານັກຮ້ອງທີ່ຮັບຄວາມນິຍົມຈາກອີຣານ, ຮົງກົງ, ຍີ່ປຸ່ນ, ອາບການິສຖານ, ສິງກະໂປ, ໄທ, ບຮູໃນ, ມາເລເຊຍ, ອິນໂດເນເຊຍ... ແລະ ປະເທດເຈົ້າພາບຫວຽດນາມ.
ງານມະໂຫລານ ແມ່ນຂໍ້ລິເລີ່ມຂອງ ສະຫະສະມາຄົມ ວິທະຍຸ ໂທລະພາບອາຊີ - ປາຊີຝິກ ແລະ ໂທລະພາບ KBS ຂອງສ ເກົາຫຼີ, ຖືກຈັດຕັ້ງເທື່ອທຳອິດແຕ່ປີ 2012 ຢູ່ເຊີອູນ, ສເກົາຫຼີ, ເພື່ອແນໃສ່ເພີ່ມທະວີການພົວພັນແລກປ່ຽນວັດທະນະທຳລະຫວ່າງບັນດາປະເທດໃນພາກພື້ນ. ປີນີ້ງານມະໂຫລານໄດ້ອອກອາກາດຢູ່ທຸກປະເທດທີ່ມີນັກຮ້ອງເຂົ້າຮ່ວມ ແລະ ຫຼາຍປະເທດສະມາຊິກຂອງ ABU.