(VOVWORLD) - ງານວາງສະແດງໄດ້ແນະນຳເຖິງມະຫາຊົນບັນດາເຂດມໍລະດົກວັດທະນະທຳ ຫວຽດນາມ ແລະ ຜະລິດຕະພັນຫັດຖະກຳທີ່ຜ່ານລະບົບເອກະສານ, ວັດຖຸພັນ ແລະ ພາບຖ່າຍກ່ຽວກັບມໍລະກົດກວ່າ 300 ແຜ່ນ.
 ງານວາງສະແດງະຈັດຂຶ້ນແຕ່ວັນທີ 22 – 26 ຕຸລາ ຢູ່ແຂວງ ເງະອານ(ພາບ: ຄະນະຈັດງານວາງສະແດງ)
|
ງານວາງສະແດງ “ສີສັນມໍລະດົກວັດທະນະທຳ, ທຳມະຊາດ ແລະ ຜະລິດຕະພັນຫັດຖະກຳ ຫວຽດນາມ” ຈະຈັດຂຶ້ນແຕ່ວັນທີ 22 – 26 ຕຸລາ ຢູ່ແຂວງ ເງະອານ, ດ້ວຍການເຂົ້າຮ່ວມຂອງ 20 ແຂວງ, ນະຄອນ. ເຫດການໂດຍສູນວາງສະແດງວັດທະນະທຳສິລະປະ ຫວຽດນາມ ພ້ອມກັບບັນດາຫົວໜ່ວຍທີ່ກ່ຽວຂ້ອງຈັດຂຶ້ນ, ເພື່ອຂ່ຳນັບຊົມເຊີຍວັນມໍລະດົກວັດທະນະທຳ ຫວຽດນາມ 23 ຕຸລາ.
ງານວາງສະແດງໄດ້ແນະນຳເຖິງມະຫາຊົນບັນດາເຂດມໍລະດົກວັດທະນະທຳ ຫວຽດນາມ ແລະ ຜະລິດຕະພັນຫັດຖະກຳທີ່ຜ່ານລະບົບເອກະສານ, ວັດຖຸພັນ ແລະ ພາບຖ່າຍກ່ຽວກັບມໍລະດົກກວ່າ 300 ແຜ່ນ. ໃນນັ້ນ, ເຂດວາງສະແດງ “ປູຊະນີຍະສະຖານປະຫວັດສາດວັດທະນະທຳ, ມໍລະດົກທິວທັດທຳມະຊາດ ຫວຽດນາມ” ສຸມໃສ່ໂຄສະນາບັນດາເຂດມໍລະດົກທຳມະຊາດໂລກ, ມໍລະກົດວັດທະນະທຳໂລກ; ເຂດນິເວດທຳມະຊາດໂລກຢູ່ ຫວຽດນາມ; ສວນສາທາລະນະທໍລະນີສາດ… ພ້ອມກັນນັ້ນ, ແມ່ນບັນດາພາບຖ່າຍກ່ຽວກັບເຂດປູຊະນີຍະສະຖານແຫ່ງຊາດພິເສດ, ມໍລະດົກວັດທະນະທຳເປັນວັດຖຸ ແລະ ບໍ່ເປັນວັດຖຸ, ບັນດາເຂດທິວທັດທຳມະຊາດທີ່ມີຊື່ສຽງໃນທົ່ວປະເທດ.
ໃນຂອບເຂດຂອງເຫດການຄັ້ງນີ້, ຍັງມີການແຂ່ງຂັນ ແລະ ວາງສະແດງຜະລິດຕະພັນສີລະປະຫັດຖະກຳ ຫວຽດນາມ 2024, ງານມະໂຫລານສະແດງສິລະປະພື້ນເມືອງ “ຫວຽດນາມ - ບັນດາສີສັນມໍລະດົກ”…