ເກາະຮ່ວາງຊາໃຫຍ່
ພາບ:truongsahoangsa
|
(vovworld)- ງານວາງສະແດງ “ຮ່ວາງຊາ, ເຈື່ອງຊາຂອງຫວຽດນາມ, ບັນດາພະຍານຫລັກຖານປະຫວັດສາດ ແລະ ນິຕິກຳ” ຖືກໄຂຂຶ້ນໃນວັນທີ 23/6 ຢູ່ ຫໍພິພິດທະພັນແຂວງ ນາມດີ້ງ ໂດຍກະຊວງຖະແຫລງຂ່າວ ແລະ ສື່ສານຫວຽດນາມຈັດຕັ້ງຂຶ້ນ. ງານວາງສະແດງໄດ້ເຕົ້າໂຮມເອກະສານ, ວັດຖຸພັນ, ສິ່ງພິມ, ແຜນທີ່ ຫລາຍຢ່າງຈາກບັນດາແຫລ່ງເອກະສານຂອງບັນດານັກຄົ້ນຄ້ວາ, ນັກຮຽນຮູ້ຢູ່ພາຍໃນ ແລະ ສາກົນ ທີ່ໄດ້ຮັບການປະກາດນັບແຕ່ກອ່ນມາຮອດປະຈຸບັນ. ບັນດາເອກະສານລ້ວນແຕ່ຢັ້ງຢືນວິວັດທະນາການຮັບຮູ້, ປະຕິບັດ ແລະ ປົກປັກຮັກສາອະທິປະໄຕຂອງຫວຽດນາມສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ ແລະ ບັນດາເຂດທະເລໝູ່ເກາະອື່ນທີ່ຂຶ້ນກັບຜືນແຜ່ນດິນຂອງຫວຽດນາມ. ທີ່ງານວາງສະແດງຍັງມີແຜນທີ່ 100 ສະບັບ ໂດຍພິສູດໃຫ້ເຫັນອະທິປະໄຕຂອງຫວຽດນາມ ສຳລັບ 2 ໝູ່ເກາະຮ່ວາງຊາ ແລະ ເຈື່ອງຊາ ໂດຍຫວຽດນາມ ຫລື ຝ່າຍຕາເວັນຕົກ ປະກາດນັບແຕ່ສັດຕະວັດທີ 17 ມາຮອດປະຈຸບັນ. ນີ້ແມ່ນບັນດາເອກະສານມີຄຸນຄ່າດ້ານນິຕິກຳເພີ່ມເຕີມເຂົ້າໃນຊຸດສຳເນົາພິສູດອະທິປະໄຕຂອງຫວຽດນາມ ສຳລັບໝູ່ເກາະຮ່ວາງຊາ ແລະ ເຈື່ອງຊາ.