ໂຄສົກກະຊວງການຕ່າງປະເທດຫວຽດນາມ ເລຫາຍບີງ
ພາບ:TTXVN
|
(vovworld)- ວັນທີ 13/10 ເມື່ອຕອບຄຳຖາມຂອງນັກຂ່າວກ່ຽວກັບປະຕິກິລິຍາຂອງຫວຽດນາມ ຕໍ່ຫນ້າເຫດການ ຈີນ ເປີດນຳໃຊ້ປາພະຄານ 2 ແຫ່ງຢູ່ ຫາດດອນຫີນ ເຈົາວຽນ ແລະ ກາກມາ ຂຶ້ນກັບໝູ່ເກາະ ເຈື່ອງຊາ ຂອງຫວຽດນາມ, ໂຄສົກກະຊວງການຕ່າງປະເທດຫວຽດນາມ ເລຫາຍບີງ ຊີ້ແຈ້ງວ່າ:
“ຫວຽດນາມ ຢືນຢັນ ອີກຄັ້ງຫນຶ່ງວ່າ: ຫວຽດນາມ ມີພະຍານຫລັກຖານດ້ານນິຕິທຳແລະ ປະຫວັດສາດຢ່າງພຽງພໍກ່ຽວກັບອະທິປະໄຕຂອງຫວຽດນາມ ທີ່ບໍ່ ອາດປະຕິເສດໄດ້ ສຳລັບ ໝູ່ເກາະ ຮ່ວາງຊາ ແລະ ເຈື່ອງຊາ. ທຸກການກະທຳຂອງບັນດາຝ່າຍຢູ່ໝູ່ເກາະເຈື່ອງຊາ ທີ່ບໍ່ໄດ້ຮັບຄວາມເຫັນດີຈາກ ຫວຽດນາມ ລ້ວນແຕ່ ແມ່ນຜິດກົດໝາຍ ແລະ ບໍ່ມີຄຸນຄ່າ. ເລື່ອງ ຈີນ ກໍ່ສ້າງປາພະຄານ ຢູ່ ຫາດດອນຫີນ ເຈົາວຽນ ແລະ ກາກມາ ຂຶ້ນກັບໝູ່ເກາະ ເຈື່ອງຊາ ຂອງຫວຽດນາມ ແມ່ນລ່ວງລະເມີດອະທິປະໄຕຂອງຫວຽດນາມ, ໄປຝືນກັບຄວາມຮັບຮູ້ລວມຂອງການນຳຂັ້ນສູງສອງປະເທດ, ເຮັດໃຫ້ສະພາບການເພີ່ມຄວາມສັບສົນ, ເຄັ່ງຕຶງຂຶ້ນຕື່ມ. ຫວຽດນາມ ເດັດດ່ຽວປະຕິເສດ ແລະ ຄັດຄ້ານຢ່າງແຮງການກະທຳດັ່ງກ່າວຂອງຝ່າຍຈີນ.”