ກ່າວຄຳເຫັນທີ່ການປະຊຸມຂ່າວຢູ່ປັກກິ່ງ ໃນວັນທີ 05 ທັນວາ, ໂຄສົກກະຊວງການຕ່າງປະເທດຈີນ ທ່ານນາງ ຄວາຈວນຢິງ ໃຫ້ຮູ້ວ່າ, ຈີນ ແລະ ສ.ເກົາຫຼີ ໄດ້ເຫັນດີແກ້ໄຂບັນຫາທີ່ກ່ຽວຂ້ອງເຖິງລະບົບປ້ອງກັນລູກສອນໄຟລະດັບສູງໄລຍະສຸດທ້າຍ (THAAD) ແລະ ບັນດາບັນຫາອື່ນໆຢ່າງສົມເຫດສົມພົນ.

        ທ່ານລັດຖະມົນຕີການຕ່າງປະເທດຈີນ ວາງອີ ຫາກໍ່ໄປຢ້ຽມຢາມສ.ເກົາຫຼີ. ນີ້ແມ່ນການຢ້ຽມຢາມສ.ເກົາຫຼີ ຄັ້ງທຳອິດຂອງລັດຖະມົນຕີການຕ່າງປະເທດຈີນ ນັບແຕ່ປີ 2016, ເມື່ອການພົວພັນລະຫວ່າງ 2 ປະເທດເຄັ່ງຕຶງຂຶ້ນຕື່ມເຊິ່ງກ່ຽວຂ້ອງເຖິງຂໍ້ຕົກລົງຂອງເຊີອູນ ຜັນຂະຫຍາຍລະບົບ THAAD ຂອງອາເມລິກາ ໃນແຫຼມເກົາຫຼີ. ຕາມວົງການນັກໄຈ້ແຍກແລ້ວ, ເຫດການດັ່ງກ່າວໄດ້ຮັບຖືວ່າແມ່ນສັນຍານປັບປຸງການພົວພັນລະຫວ່າງ 2 ປະເທດ.