ຈຳນວນຜູ້ຕິດເຊື້ອໂຄວິດ - 19 ໃໝ່ ຢູ່ຫຼາຍປະເທດເອີລົບສືບຕໍ່ເພີ່ມຂຶ້ນ
(VOVWORLD) -ໃນການອັບເດັດສະພາບການໂລກລະບາດໂຄວິດ - 19 ປະຈຳອາທິດ, ອົງການອະນາໄມໂລກ (WHO) ໃຫ້ຮູ້ວ່າ ເຊື້ອໄວຣັດສາຍພັນ Omicron ສືບຕໍ່ແຜ່ລະບາດໄປທົ່ວໂລກ.
 ພາບປະກອບ |
ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງຂອງວັນທີ 27 ມັງກອນ (ຕາມເວລາ UTC), ທົ່ວໂລກມີຜູ້ຕິດເຊື້ອພະຍາດໂຄວິດ - 19 ເກືອບ 363 ລ້ານຄົນ, ໃນນັ້ນມີຜູ້ເສຍຊີວິດ ກ່ວາ 5,64 ລ້ານຄົນ. ອາເມລິກາ ຍັງແມ່ນປະເທດຖືກຜົນກະທົບຢ່າງໜັກໜ່ວງທີ່ສຸດຈາກໂລກລະບາດໂຄວິດ - 19 ດ້ວຍຈຳນວນຜູ້ຕິດເຊື້ອແມ່ນ 74 ລ້ານຄົນ ແລະຜູ້ເສຍຊີວິດເກືອບ 900.000 ຄົນ. ຖັດຈາກນັ້ນແມ່ນ ອິນເດຍ, ບຣາຊິນ.
ໃນການອັບເດັດສະພາບການໂລກລະບາດໂຄວິດ - 19 ປະຈຳອາທິດ, ອົງການອະນາໄມໂລກ (WHO) ໃຫ້ຮູ້ວ່າ ເຊື້ອໄວຣັດສາຍພັນ Omicron ສືບຕໍ່ແຜ່ລະບາດໄປທົ່ວໂລກ. ທ່ານນາງ Maria van Kerkhove ຫົວໜ້າກຸ່ມເຕັກນິກຂຶ້ນກັບໂຄງການການແພດສຸກເສີນ WHO ຍັງຄາດຄະເນວ່າ: ສິ່ງທີ່ເປັນໜ້າສົນໃຈແມ່ນ ສາຍພັນ Omicron BA.2 ທີ່ເກີດຂຶ້ນຢູ່ ເອີລົບ ແລະ ອາຊີ, ປັດຈຸບັນໄດ້ປະກົດຕົວຢູ່ ອາເມລິກາແລ້ວ.
ສ່ວນ ຢູ່ ຫວຽດນາມ, ນັບແຕ່ເວລາ 16 ໂມງຂອງວັນທີ 26 ມັງກອນ ຫາເວລາ 16 ໂມງຂອງວັນທີ 27 ມັງກອນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19ໃໝ່ຕື່ມອີກ 15.727 ຄົນ, ມີຜູ້ໄດ້ຮັບການປິ່ນປົວຫາຍດີເປັນປົກກະຕິແມ່ນ 21.002 ຄົນ ແລະ ມີຜູ້ເສຍຊີວິດ ແມ່ນ 126 ຄົນ. ດັ່ງນັ້ນມາຮອດປັດຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 2.203.208 ຄົນ ແລະ ມາຮອດປັດຈຸບັນ ຫວຽດນາມ ມີ ໄດ້ສັກວັກຊິນກັນໂຄວິດ - 19178.818.612 ໂດສ.