ຊຸກຍູ້ການພົວພັນຮ່ວມມືລະຫວ່າງຫວຽດນາມແລະສ.ເກົາຫຼີ
ທ່ານພົນໂທ ໂຕເລີມຕ້ອນຮັບທ່ານ Lee Hyuk
ເອກອັກຄະລັກຖະທູດ ສ.ເກົາຫຼີ ປະຈຳ ຫວຽດນາມ
ຕອນບ່າຍວັນທີ 4-7, ຢູ່ຮ່າໂນ້ຍ, ທ່ານພົນໂທ ໂຕເລີມ, ລັດຖະມົນຕີກະຊວງຕຳຫຼວດ ຫວຽດນາມ ໄດ້ຕ້ອນຮັບທ່ານ Lee Hyuk ເອກອັກຄະລັກຖະທູດວິສາມັນຜູ້ມີອຳນາດເຕັມຄົນໃໝ່ແຫ່ງ ສ.ເກົາຫຼີ ປະຈຳ ຫວຽດນາມ. ທີ່ການຕ້ອນຮັບ, ທ່ານ ໂຕເລີມ ລັດຖະມົນຕີກະຊວງຕຳຫຼວດ ເຊື່ອໜັ້ນວ່າ: ໃນຖານະຕຳແໜ່ງໃໝ່ທ່ານ ເອກອັກຄະລັກຖະທູດ Lee Hyuk ຈະມີບັນດາການປະກອບສ່ວນ ຢ່າງຕັ້ງໜ້າ ເຂົ້າໃນເລື່ອງຊຸກຍູ້ການພົວພັນຮ່ວມມື ລະຫວ່າງ ຫວຽດນາມ ແລະ ສ.ເກົາຫຼີ, ພ້ອມທັງ ຢືນຢັນວ່າ: ກະຊວງຕຳຫຼວດ ຫວຽດນາມ ພ້ອມແລ້ວທີ່ຈະຮ່ວມມື ແລະ ສ້າງເງື່ອນໄຂຄວາມສະດວກ ເພື່ອໃຫ້ທ່ານເອກອັກຄະລັດຖະທູດ ສຳເລັດການປະຕິບັດໜ້າທີ່ການທູດຂອງຕົນຢູ່ ຫວຽດນາມ. ທ່ານ ລັດຖະມົນຕີ ໂຕເລີມ ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກ ສືບຕໍ່ເພີ່ມທະວິການພົວພັນຮ່ວມມືກັບ ສ.ເກົາຫຼີ, ກໍ່ຄືການພົວພັນລະຫວ່າງກະຊວງຕຳຫຼວດຫວຽດນາມ ແລະ ບັນດາ
ອົງການທີ່ກ່ຽວຂ້ອງຂອງ ສ.ເກົາຫຼີ ເພື່ອໃຫ້ນັບມື້ນັບພັດທະນາຢ່າງຈົບງາມກວ່າ, ເພື່ອຜົນປະໂຫຍດ ຂອງປະຊາຊົນສອງປະເທດ. ເນັ້ນໜັກວ່າການພົວພັນ ລະຫວ່າງ ຫວຽດນາມ - ສ.ເກົາຫຼີ ແມ່ນ ການພົວພັນຄູ່ຮ່ວມມື ແລະ ບໍ່ສາມາດຕັດແຍກອອກຈາກກັນໄດ້, ທ່ານເອກອັກຄະລັດຖະທູດ Lee Hyuk ຢືນຢັນວ່າ ໃນຖານະຕຳແໜ່ງໃໝ່, ທ່ານ ຈະພະຍາຍາມຈົນສຸດຄວາມສາມາດຂອງຕົນ ເພື່ອຄູນສ້າງ ແລະ ຊຸກຍູ້ການພົວພັນ ລະຫວ່າງສອງປະເທດ ໃຫ້ຂື້ນສູ່ລະດັບສູງໃໝ່