ໃນບັນດາການພົບປະແລະເຮັດວຽກຄັ້ງຕ່າງໆ, ທ່ານຮອງນາຍົກລັດຖະມົນຕີຫວຽດນາມ ເວືອງດິ້ງເຫ້ວ ໄດ້ແຈ້ງໃຫ້ບັນດາການນຳ ນີເຊເລຍຮັບຊາບກ່ຽວກັບສະພາບການພັດທະນາເສດຖະກິດ-ສັງຄົມຂອງຫວຽດນາມ, ຢັ້ງຢືນເຖິງການເອົາໃຈໃສ່ຂອງລັດຖະບານໃນການຊຸກຍູ້ສາຍພົວພັນຮ່ວມມືກັບນີເຊເລຍເວົ້າສະເພາະແລະກັບອາຟຼິກກາເວົ້າລວມ.

ທ່ານຮອງນາຍົກລັດຖະມົນຕີຫວຽດນາມ ເວືອງດິ້ງເຫ້ວ  (ພາບ: VGP)

  ທີ່ການພົບປະເຈລະຈາລະຫວ່າງທ່ານຮອງນາຍົກລັດຖະມົນຕີຫວຽດນາມ ເວືອງດິ່ງເຫ້ວ ແລະທ່ານຮອງປະທານາທິບໍດີນີເຊເລຍ Yeni Osinbajo, ສອງຝ່າຍໄດ້ເຫັນດີເປັນເອກະພາບຕໍ່ການເພີ່ມທະວີແລກປ່ຽນ ຂອງຄະນະວິສາຫະກິດເພື່ອແລກປ່ຽນຂໍ້ມູນຂ່າວສານກ່ຽວກັບຕະຫຼາດ, ນະໂຍບາຍການຄ້າ, ຂໍ້ກຳນົດການນຳເຂົ້າ-ສົ່ງອອກຂອງແຕ່ລະປະເທດ; ຝ່າຍຫວຽດນາມມີຄວາມປາດຖະໜາຢາກເພີ່ມວົງເງິນການຄ້າກັບນີເຊເລຍໂດຍຜ່ານການແລກປ່ຽນບັນດາປະເພດສິນຄ້າຄືໝາກມ່ວງຫິມະພານ, ສິນໃນນ້ຳ, ເຂົ້າ, ເກີບໜັງ, ເຄື່ອງຕັດຫຍິບ… ການນຳນີເຊເລຍໄດ້ສະແດງຄວາມຊົມເຊີຍແລະພ້ອມແລ້ວທີ່ຈະສະໜັບສະໜູນ ຫວຽດນາມເປີດກ້ວາງສາຍພົວພັນກັບບັນດາປະເທດສະມາຊິກ ECOWAS ແລະ ສະຫະພັນອາຟຼິກກາ (AU). ພ້ອມກັນນັ້ນກໍ່ສະເໜີໃຫ້ຫວຽດນາມສວມບົດບາດເປັນຂົວຕໍ່ເພື່ອໃຫ້ນີເຊເລຍເປີດກວ້າງການຮ່ວມມືກັບບັນດາປະເທດອາຊຽນ. ສອງຝ່າຍກໍ່ເຫັນດີເປັນເອກະພາບໃນການເພີ່ມທະວີການແລກປ່ຽນປະຊາຊົນ, ວັດທະນະທຳ, ກິລາແລະການທ່ອງທ່ຽວ ໃນໄລຍະຈະມາເຖິງ. ສຳເລັດການພົບປະເຈລະຈາ, ການນຳສອງຝ່າຍໄດ້ເປັນສັກຂີພິຍານ ໃຫ້ແກ່ຜູ້ຕາງໜ້າອົງການການທູດທັງສອງປະເທດ ລົງນາມສັນຍາວ່າດວ້ຍການຍົກເວັ້ນວີຊາໃຫ້ແກ່ຜູ້ຖືໜັງສືຜ່ານແດນທາງການທູດແລະໜັງສືຜ່ານແດນທາງລັດຖະການເພື່ອແນໃສ່ສ້າງຄວາມສະດວກໃຫ້ແກ່ການເຄື່ອນໄຫວພົບປະແລກປ່ຽນຄະນະຜູ້ແທນລະຫວ່າງສອງປະເທດ.

ການພົບປະເຈລະຈາລະຫວ່າງສອງຝ່າຍ (ພາບ: VGP)

        ແລະກໍ່ໃນຂອບເຂດການຢ້ຽມຢາມ, ທ່ານເວື່ອງດິ່ງເຫ້ວ ຮອງນາຍົກລັດຖະມົນຕີຫວຽດນາມໄດ້ເຂົ້າຮ່ວມການໂອ້ລົມສົນທະນາການຄ້າ-ການລົງທຶນລະຫວ່າງຫວຽດນາມ-ນີເຊເລຍ; ຢ້ຽມຢາມສະຖານທູດຫວຽດນາມປະຈຳນີເຊເລຍແລະພົບປະກັບບັນດາຜູ້ຕາງໜ້າປະຊາຄົມຊາວຫວຽດນາມອາໄສຢູ່ ນີເຊເລຍ. ທີ່ການໂອ້ລົມສົນທະນາດ້ານການຄ້າ-ການລົງທຶນລະຫວ່າງຫວຽດນາມ-ເນຊີຣີ, ທ່ານ ຮອງນາຍົກລັດຖະມົນຕີຫວຽດນາມເນັ້ນໜັກວ່າ: ນີເຊເລຍແມ່ນຄູ່ຮ່ວມມືດ້ານການຄ້າທີ່ໃຫ່ຍທີ່ສຸດຂອງຫວຽດນາມຢູ່ອາຟຼິກກາດ້ວຍວົງເງິນການຄ້າສອງສົ້ນແມ່ນ 460 ລ້ານໂດລາສະຫະລັດ. ກາລະໂອກາດໃນການຮ່ວມມືລະຫວ່າງສອງຝ່າຍຍັງໃຫ່ຍຫຼວງໃນໄລຍະຈະມາເຖິງ. ທ່ານຮອງນາຍົກລັດຖະມົນຕີຫວຽດເວື່ອງດິ່ງເຫ້ວໃຫ້ຮູ້ວ່າ:

“ແຕ່ປີ 1976 ຈົນເຖິງປັດຈຸບັນນີ້, ຫາກໍ່ມີພຽງແຕ່  ຄະນະຜູ້ແທນຂັ້ນສູງລັດຖະບານຫວຽດນາມ ຄະນະດຽວເທົ່ານັ້ນທີ່ເດີນທາງໄປຢ້ຽມຢາມແລະເຮັດວຽກຢູ່ ນີເຊເລຍ. ຂ້າພະເຈົ້າມີຄວາມມຸ່ງຫວັງແລະເຊື່ອໝັ້ນວ່າດ້ວຍຄວາມຕັດສິນໃຈຢ່າງສູງຂອງການນຳສອງປະເທດ, ການພົວພັນຮ່ວມມືດ້ານເສດຖະກິດ, ການຄ້າ, ການລົງທຶນຂອງພວກເຮົາຈະພັດທະນາຫຼາຍກວ່າອີກໃນໄລຍະຈະມາເຖິງແລະບັນດາວິສາຫະກິດຂອງສອງປະເທດທີ່ມີໜ້າໃນມື້ນີ້ ຈະເປັນຂົວເຊື່ອມຕໍ່ຊຸກຍູ້ຄວາມປາດຖະໜາຂອງການນຳສອງປະເທດໃຫ້ປະກົດຜົນເປັນຈິງ”.

        ທ່ານຮອງນາຍົກລັດຖະມົນຕີຫວຽດນາມໄດ້ສະເໜີກັບຝ່າຍນີເຊເລຍບັນດາມາດຕະການທີ່ແທ້ຈິງເພື່ອຊຸກຍູ້ການຮ່ວມມືດ້ານການຄ້າທີ່ຕ່າງຝ່າຍຕ່າງມີຜົນປະໂຫຍດ./.