(vovworld) – ຕອນບ່າຍວັນທີ 09/08, ກອງທຶນພັດທະນາອາຊີປະຈຳຫວຽດນາມ ໄດ້ສົມທົບກັບສະໂມສອນວິສາຫະກິດມີຫົວຄິດປະດິດສ້າງ ແລະ ສູນສຶກສາ - ພັດທະນາ ໄດ້ຈັດເວທີປາໄສຊຸກຍູ້ໜູນຊ່ວຍການເຄື່ອນໄຫວເພື່ອການກຸສົນຂອງບັນດາວິສາຫະກິດຫວຽດນາມ. ເວທີປາໄສແມ່ນໂອກາດເພື່ອໃຫ້ບັນດາວິສາຫະກິດແລກປ່ຽນກ່ຽວກັບບັນດາຮົ້ວກີດຂວາງ ແລະ ຄວາມຫຍຸ້ງຍາກກໍ່ຄືຍົກສູງກຳລັງຄວາມສາມາດ, ປະສິດທິຜົນຂອງການເຄື່ອນໄຫວເພື່ອການກຸສົນ. ທ່ານ ຫງວຽນກວາງດົງ, ຜູ້ອຳນວຍການບໍລິສັດຫຸ້ນສ່ວນ ກຸ່ມບໍລິສັດລົງທຶນເຕັກໂນໂລຊີ AG, ເຊິ່ງເປັນຫົວໜ່ວຍເຄື່ອນໄຫວເພື່ອການກູ້ສົນໃນຫຼາຍປີມານີ້ ໄດ້ແບ່ງປັນວ່າ.
“ພວກຂ້າພະເຈົ້າມີທັງຍຸດທະສາດການກຸສົນ, ຜ່ານຫຼາຍຮູບແບບຄື: ກຸສົນດ້ວຍເງິນ, ຊັບສົມບັດ, ອຸດໜູນຜະລິດຕະພັນການບໍລິຫານເຊິ່ງບໍລິສັດຜະລິດໄດ້… ການເຄື່ອນໄຫວເພື່ອການກຸສົນໂດຍກົງສາມາດກຸຊີວິດຂອງຄົນເຈັບ. ສ່ວນການເຄື່ອນໄຫວເພື່ອການກຸສົນໂດຍທາງອ້ອມຄື ມອບສົ່ງຄວາມຮູ້ເພື່ອສາມາດຊ່ວຍນັກສຶກສາ, ວິສາຫະກິດຍົກສູງປະສິດທິຜົນ… ມີວິສາຫະກິດຫຼາຍແຫ່ງ ກ່ຽມພ້ອມການເຂົ້າຮ່ວມການເຄື່ອນໄຫວເພື່ອການກຸສົນ, ບັນດາວິສາຫະກິດນັ້ນຄວນເຊື່ອມຕໍ່ນຳກັນ”.