ຊຸກຍູ້ຂະບວນການນັກທຸລະກິດໜຸ່ມພັດທະນາຢ່າງແຮງ
(ພາບປະກອບ: TTXVN)
(vovworld) – ຕອນບ່າຍວັນທີ 26/5, ຢູ່ ເກີນເທີ, ສູນກາງສະມາຄົມນັກທຸລະກິດໜຸ່ມ ຫວຽດນາມ ໄດ້ຈັດຕັ້ງການໂອ້ລົມສົນທະນາ “ມາດຕະການສ້າງແຫຼ່ງທຶນໃຫ້ແກ່ວິສາຫະກິດ ແລະ ສ້າງການຈັດຕັ້ງສະມາຄົມ, ພັດທະນາຂະບວນການນັກທຸລະກິດໜຸ່ມເຂດພາກໃຕ້”. ການໂອ້ລົມສົນທະນາໄດ້ສຸມໃສ່ເຂົ້າໃນບັນດາບັນຫາຂອງພື້ນຖານເສດຖະກິດ ຫວຽດນາມ ໂດຍພື້ນຖານ; ບັນດາມາດຕະການສ້າງແຫຼ່ງທຶນ ແລະ ສະເໜີກົນໄກ, ນະໂຍບາຍໜູນຊ່ວຍວິສາຫະກິດ ແລະ ສະມາຊິກໃນສະມາຄົມ. ພ້ອມກັນນັ້ນ, ບັນດາຜູ້ແທນກໍແລກປ່ຽນບົດຮຽນ, ຂໍ້ມູນຂ່າວສານກ່ຽວກັບນະໂຍບາຍ, ເສດຖະກິດ-ສັງຄົມ ເພື່ອວາງອອກທິດທາງການເຄື່ີອນໄຫວຊຸກຍູ້ຂະບວນການນັກທຸລະກິດໜຸ່ມພັດທະນາໃນໄລຍະຈະມາເຖິງ. ທ່ານ ດັ້ງຊວນຮຸຍ, ປະທານສະມາຄົມນັກທຸລະກິດໜຸ່ມແຂວງ ດົ່ງທ໋າບ ໃຫ້ຮູ້ວ່າ:
ບັນດາສະມາຄົມນັກທຸລະກິດໜຸ່ມເຂດທາງທິດຕາເວັນຕົກທາງພາກໃຕ້ ຫວຽດນາມ ໄດ້ມີໂຄງການກະທຳສ້າງຕັ້ງບັນດາກຸ່ມເພື່ອຮ່ວມສຳພັນດ້ວຍກັນ, ສ້າງບັນດາກາລະໂອກາດຮ່ວມມືດ້ວຍກັນ, ສົ່ງເສີມການຄ້າ ກໍຄືສະເໜີແນະບັນດານະໂຍບາຍພິເສດ ເພື່ອພັດທະນາຢູ່ທ້ອງຖິ່ນຂອງຕົນ.