ຜູ້ນຳໜ້າເຂດປົກຄອງດ້ວຍຕົນເອງຊາວເກີດ Massoud Barzani
(ພາບ: AFP/TTXVN)
(vovworld)- ເພື່ອແນໃສ່ຄັດຄ້ານຄຳປະກາດຂອງນາຍົກລັດຖະມົນຕີອີຣັກ Nuri Al Maliki ທີ່ວ່າ: ຊາວເກີດ ພວມຊຸກເຊື່ອງບັນດາພາກສ່ວນກໍ່ການຮ້າຍຢູ່ນະຄອນ Arbil, ວັນທີ 11/7, ກຸ່ມການເມືອງຊາວເກີດ ໄດ້ຖອນທຸກການເຄື່ອນໄຫວໃນລັດຖະບານປະເທດນີ້. ຕາມທ່ານ Hoshiyar Zebari ລັດຖະມົນຕີການຕ່າງປະເທດອີຣັກ ຊື່ງແມ່ນຜູ້ຕາງໜ້າຊາວເກີດ ຄົນ 1 ແລ້ວ, ປະຈຸບັນ, ບັນດາທ່ານລັດຖະມົນຕີຊາວເກີດ ໄດ້ຢຸດຕິການເຄື່ອນໄຫວປະຈຳວັນຢູ່ກະຊວງການຄ້າ, ກະຊວງເຂົ້າເມືອງ, ກະຊວງການຕ່າງປະເທດ, ກະຊວງສາທາລະນະສຸກ ແລະ ໃນຖານະເປັນຮອງນາຍົກລັດຖະມົນຕີ. ແຕ່ເຖິງແນວນັ້ນກໍ່ຕາມ, ບັນດາສະມາຊິກລັດຖະສະພາຊາວເກີດ ຈະສືບຕໍ່ເຂົ້າຮ່ວມສະພາແຫ່ງຊາດ. ທ່ານ Hoshiyar Zebari ລັດຖະມົນຕີການຕ່າງປະເທດອີຣັກ ກ່າວເຕືນວ່າ, ອີຣັກ ມີໄພຖືກຊຸດໂຊມຖ້າຫາກວ່າລັດຖະບານໃໝ່ບໍ່ໄດ້ຮັບການສ້າງຕັ້ງຂຶ້ນໂດຍໄວ./.