ຍົກສູງຄຸນນະພາບການຄຸ້ມຄອງລັດໃນຂະແໜງກະສີກຳ
ລັດຖະມົນຕີຊ່ວຍວ່າການກະຊວງກະສີກຳ ແລະ ພັດທະນາຊົນນະບົດຫວຽດນາມ ຫວູວັນຕ໋າມ
(ພາບອິນເຕີແນດ)
(vovworld) - ຕອນເຊົ້າວັນທີ 8/1, ຢູ່ ຮ່າໂນ້ຍ, ກະຊວງກະສີກຳ ແລະ ພັດທະນາຊົນນະບົດຫວຽດນາມ ໄດ້ສະຫຼຸບວຽກງານປະຕິຮູບດ້ານການບໍລິຫານປີ 2012 ແລະ ໂຄງການສ້າງ, ນຳໃຊ້ ISO 9001: 2008, ບົນພື້ນຖານໂຄງການສັງລວມ ປະຕິຮູບດ້ານການບໍລິຫານຕາມມະຕິຂອງລັດຖະບານ, ໃນປີຜ່ານມາວຽກງານປະຕິຮູບດ້ານການບໍລິຫານຂອງຂະແໜງໄດ້ຮັບການຜັນຂະຫຍາຍ ໂດຍສຸມໃສ່ 7 ຂົງເຂດ, ດ້ວຍ 42 ໜ້າທີ່ ແລະ ການເຄື່ອນໄຫວ 81 ຢ່າງ. ພິເສດໃນປີ 2012, ຂະແໜງສາມາດສ້າງຮ່າງກົດໝາຍໄດ້ 5 ສະບັບ ທີ່ຂຶ້ນກັບໂຄງການສ້າງເອກະສານນິຕິກຳຂອງສະພາແຫ່ງຊາດຊຸດທີ 13, ອັນໄດ້ປະກອບສ່ວນສຳຄັນເຂົ້າໃນການຍົກສູງການຄຸ້ມຄອງລັດໃນບັນດາຂົງເຂດ ໂດຍກະຊວງຄຸ້ມຄອງ ແລະ ບັນດາຜົນງານທີ່ຂະແໜງກະສີກຳບັນລຸໄດ້ໃນປີຜ່ານມາ. ກ່ຽວກັບການເຄື່ອນໄຫວຂອງຂະແໜງກະສີກຳໃນປີ 2013. ທ່ານລັດຖະມົນຕີຊ່ວຍວ່າການກະຊວງກະສີກຳ ແລະ ພັດທະນາຊົນນະບົດຫວຽດນາມ ຫວູວັນຕ໋າມ, ຊີ້ແຈ້ງວ່າ:
”ປີ 2013, ຂະແໜງຈະຍົກສູງຄຸນນະພາບການຄຸ້ມຄອງລັດໃນຂະແໜງກະສີກຳເວົ້າລວມ ແລະ ການປະຕິຮູບດ້ານການບໍລິຫານແມ່ນການຄຸ້ມຄອງສິນຄ້າ. ນີ້ແມ່ນ 2 ທິດທາງຈຸດສຸມ ເພື່ອປະຕິບັດຄວາມຮັບຜິດຊອບຂອງຂະແໜງໃຫ້ດີ ແລະ ຊຸກຍູ້ຂະແໜງໃຫ້ພັດທະນາ”