(vovworld) – ວັນແມ່ຍິງປະດິດຄິດສ້າງປີ 2013 ແມ່ນໂອກາດເພື່ອໃຫ້ບັນດາສ່ວນບຸກຄົນ, ໝູ່ຄະນະໃນທຸກຂົງເຂດ, ບັນດາເຂດແຄ້ວນໃນທົ່ວປະເທດໂຄສະນາ, ແບ່ງປັນ, ອັບເດັດຂໍ້ມູນຂ່າວສານ, ຫັນເປັນຕົວຈິ່ງບັນດາແນວຄວາມຄິດປະດິດຄິດສ້າງ, ແນໃສ່ຮັດແຄບຊ່ອງຫວ່າງລະຫວ່າງຍິງຊາຍໃນຂົງເຂດເສດຖະກິດ, ແຮງງານ, ວຽກເຮັດງານທຳ ແລະ ເພີ່ມຄວາມສາມາດສຳພັດກັບບັນດາແຫຼ່ງກຳລັງເສດຖະກິດ, ຕະຫຼາດໃຫ້ແກ່ແມ່ຍິງທຸກຍາກ ແລະ ແມ່ຍິງຊົນເຜົ່າສ່ວນໜ້ອຍ. ໃນວັນແມ່ຍິງປະດິດຄິດສ້າງປີ 2013 ເຊິ່ງດຳເນີນໄປໃນວັນທີ 01 ຕຸລາ, ຄະນະຈັດຕັ້ງໄດ້ວາງສະແດງບັນດາຜະລິດຕະພັນທີ່ມີຫົວຄິດປະດິດສ້າງ, ບັນດາແນວຄວາມຄິດ... ແນໃສ່ຊ່ວຍໃຫ້ແມ່ຍິງຫວຽດນາມ ປັບປຸງຊີວິດການເປັນຢູ່ ແລະ ຍົກສູງຄວາມສາມາດໃນການສ້າງເສດຖະກິດ. ທ່ານນາງ ຫງວຽນທິແທງຮ່ວາ, ປະທານສະຫະພັນແມ່ຍິງຫວຽດນາມ ໃຫ້ຮູ້ວ່າ.
“ວັນແມ່ຍິງຫວຽດນາມ ປະດິດຄິດສ້າງ ຈັດຕັ້ງຂຶ້ນເພື່ຶອແນໃສ່ຍ້ອງຍໍ, ລະດົມກຳລັງໃຈປະດິດຄິດສ້າງຂອງແມ່ຍິງຫວຽດນາມ, ວັນແມ່ຍິງປະດິດຄິດສ້າງ ບໍ່ພຽງແຕ່ງານວາງສະແດງເທົ່ານັ້ນ ຫາກຍັງແມ່ນການປະກວດແນວຄວາມຄິດປະດິດຄິດສ້າງ ແລະ ແມ່ນເວທີປາໄສແບ່ງປັນບົດຮຽນໜູນຊ່ວຍແມ່ຍິງພັດທະນາເສດຖະກິດອີກດ້ວຍ ”
ທ່ານນາງ Victoria Kwakwa, ຜູ້ອຳນວຍການທະນາຄານໂລກ ປະຈຳຫວຽດນາມ ຕີລາຄາສູງການຈັດຕັ້ງວັນແມ່ຍິງ ຫວຽດນາມ ປະດິດສ້າງ 2013 ແລະ ປາດຖະໜາວ່າ ບັນດາຜະລິດຕະພັນຂອງແມ່ຍິງນັ້ນ ຈະນຳເຂົ້າຕົວຈິ່ງໂດຍໄວ ເພື່ອນຳມາຊິ່ງຜົນປະໂຫຍດອັນແທດຈິງຊ່ວຍແມ່ຍິງຫຼຸດພົ້ນອອກຈາກຄວາມທຸກຍາກ, ມີຊີວິດຢ່າງໝັ້ນຄົງ ແລະ ຜາສຸກ.