(ພາບປະກອບ: TTXVN)

ວັນທີ 27 ສິງຫາ, ທ່ານລັດຖະມົນຕີກະຊວງປ້ອງກັນປະເທດຍີ່ປຸ່ນ Takeshi Iwaya ໃຫ້ຮູ້ວ່າ, ລູກສອນໄຟ 2 ລູກ ເຊິ່ງສປປ.ເກົາຫຼີ ຍິງທົດລອງໃນວັນທີ 24 ສິງຫາ ຜ່ານມາ ແມ່ນປະເພດໃໝ່. ນັ້ນແມ່ນລູກສອນໄຟນຳວິຖີໄລຍະສັ້ນ ແລະ ບັນດາລູກສອນໄຟນີ້ບິນສູງໄດ້ປະມານ 100 ກ.ມ. ທ່ານ Takeshi Iwaya ກໍ່ໃຫ້ຮູ້ວ່າ, ສປປ.ເກົາຫຼີ ເບິ່ງຄືວ່າພວມພັດທະນາບັນດາລູກສອນໄຟມີໄລຍະບິນ “ຜິດປົກກະຕິ ແລະ ຕ່ຳກວ່າທຳມະດາ” ເຊິ່ງໄດ້ເຮັດໃຫ້ຍີ່ປຸ່ນ ແລະ ບັນດາປະເທດຕີຈະສະກັດກັນ ແລະ ຄົ້ນພົບກ່ອນທີ່ຈະຍິງຂຶ້ນແມ່ນຍາກກວ່າເກົ່າ.

        ກ່ອນໜ້ານັ້ນ, ຕອນເຊົ້າວັນທີ 24 ສິງຫາ, ສະພາເສນາທິການໃຫຍ່ກຳລັງທະຫານປະສົມ (JCS) ສ.ເກົາຫຼີ ໃຫ້ຮູ້ວ່າ, ສປປ.ເກົາຫຼີ ໄດ້ຍິງວັດຖຸບິນ 2 ຢ່າງເບິ່ງຄືວ່າແມ່ນລູກສອນໄຟໄລຍະສັ້ນຈາກເຂດ Sondok, ແຂວງ Nam Hamgyong ໃສ່ທະເລຍີ່ປຸ່ນ. ນີ້ແມ່ນເຫດຍິງລູກສອນໄຟຄັ້ງທີ 7 ຂອງສປປ.ເກົາຫຼີ ນັບແຕ່ວັນທີ 25 ກໍລະກົດເປັນຕົ້ນແມ່ນ.