(vovworld) - ຕອນເຊົ້າວັນທີ 26/2, ຢູ່ ຮ່າໂນ້ຍ, ທ່ານາຍົກລັດຖະມົນຕີ ຫວຽດນາມ ຫງວຽນເຕີນຢູງ ພ້ອມກັບການນຳບາງກະຊວງ, ຂະແໜງການຂັ້ນສູນກາງ ໄດ້ມີການເຮັດວຽກກັບຄະນະສາສະໜາລັດຖະບານ. ທ່ານາຍົກລັດຖະມົນຕີ ຫງວຽນເຕີນຢູງ ຕີລາຄາສູງບັນດາໝາກຜົນເຊິ່ງຖັນແຖວພະນັກງານປະຕິບັດວຽກງານສາສະໜາ ປະຕິບັດໄດ້ໃນປີຜ່ານມາ. ເພື່ອປະຕິບັດວຽກງານຄຸ້ມຄອງລັດ ກ່ຽວກັບສາສະໜາ ເປັນຢ່າງດີ, ທ່ານນາຍົກລັດຖະມົນຕີ ຊີ້ແຈ້ງໃຫ້ບັນດາຂະແໜງການທີ່ກ່ຽວຂ້ອງຕ້ອງສະຫຼຸບ, ຕີລາຄາບັນດາເອກະສານນິຕິກຳ, ຂໍ້ກຳນົດ ຂອງລັດ ກ່ຽວກັບ ສາສະໜາ, ການເຫຼື້ອມໃສສາສະໜາ ແລະ ຄຸ້ມຄອງລັດໃນຂົງເຂດນີ້ ເພ່ືອສືບຕໍ່ສຳເລັດ, ເພີ່ມເຕີມ ຮັບປະກັນກອບກົດໝາຍ, ຄວນດຳເນີນການສະຫຼຸບລັດຖະບັນຍັດກ່ຽວກັບການເຫຼື້ອມໃສ, ສາສະໜາ. ກະຊວງພາຍໃນ, ຄະນະສາສະໜາລັດຖະບານ ເພີ່ມທະວີ ການກວດກາ, ຊຸກຍູ້ການປະຕິບັດບັນດາຂໍ້ກຳນົດຂອງລັດ ກ່ຽວກັບ ສາສະໜາ, ການເຫຼື້ອມໃສ. ທ່ານາຍົກລັດຖະມົນຕີ ຫງວຽນເຕີນຢູງ ເວົ້າວ່າ:
“ຄວາມຮັບຜິດຊອບຂອງພວກເຮົາແມ່ນຮັບປະກັນໃນຂອບເຂດຂອງກົດໝາຍ ເພື່ອໃຫ້ປະຊາຊົນເຄື່ອນໄຫວ ສາສະໜາຢ່າງເປັນປົກກະຕິຕາມລະບຽບກົດໝາຍ. ນີ້ແມ່ນຄວາມຮຽກຮ້ອງຕ້ອງການຂອງປະຊາຊົນ ແລະ ພັກ, ລັດ ເຄົາລົບນັບຖືຄວາມຮຽກຮ້ອງຕ້ອງການນີ້. ຊ້ຳບໍ່ໜຳ, ພວກເຮົາຕ້ອງສະໜອງທີ່ດິນເພື່ອກໍ່ສ້າງບັນດາຮາກຖານຮັບໃຊ້ການເຄື່ອນໄຫວສາສະໜາ. ຄຽງຄູ່ກັນນັ້ນ, ຕ້ອງລະມັດລະວັງ ກັບບັນດາກົນອຸບາຍເຊິ່ງບັນດາອິດທິກຳລັງທີ່ເປັນປໍລະປັກເສກສັນປັ້ນແຕ່ງ, ຍຸຍົງສົ່ງເສີມ, ກໍ່ຄວາມແບ່ງແຢກກຸ່ມກ້ອນມະຫາສາມັກຄີ”
ທ່ານາຍົກລັດຖະມົນຕີ ຫງວຽນເຕີນຢູງ ກໍ່ຕັກເຕືອນຄວນເອົາໃຈໃສ່ກ່ວາອີກເຖິງວຽກງານໂຄສະນາເຜີຍແຜ່ເພື່ອໃຫ້ຫາງສຽງ, ພິເສດແມ່ນຫາງສຽງສາກົນເຂົ້າໃຈແຈ້ງ, ເຈົ້າໃຈຖືກຕ້ອງ ກ່ຽວກັບນະໂຍບາຍປ່ຽນໃໝ່ ແລະ ການຫັນປ່ຽນຕັ້ງໜ້າຂອງຊີວິດສາສະໜາຢູ່ ຫວຽດນາມ.