ພາບປະກອບ
|
(vovworld) - ຮຳ່ຮຽນແລະປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ ແມ່ນບັນຫາສຳຄັນ, ບໍ່ພຽງແຕ່ຕອບສະໜອງຄວາມຮຽກຮ້ອງຕ້ອງການ, ໜ້າທີ່ກໍ່ສ້າງພັກໃຫ້ໝັ້ນຄົງ, ເຂັ້ມແຂງ; ກໍ່ສ້າງ ແລະ ພັດທະນາວັດທະນະທຳ, ຊາວຫວຽດນາມ ເພື່ອໃຫ້ປະເທດຊາດພັດທະນາຢ່າງໄວ, ໝັ້ນຄົງເທົ່ານັ້ນ, ຫາກຍັງແມ່ນອາລົມຈິດ, ຄວາມມຸ້ງຫວັງຂອງພັກ, ປະຊາຊົນຫວຽດນາມ ອີກດ້ວຍ. ທ່ານ ດິງເທ໋ຮວີງ, ກຳມະການກົມກນເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ, ໄດ້ເນັ້ນໜັກຄືດັ່ງກ່າວທີ່ກອງປະຊຸມອົງຄະນະພັກກຸ່ມບັນດາອົງການສູນກາງສະຫຼຸບ 4 ປີ ແຫ່ງການປະຕິບັດຄຳສັ່ງຂອງກົມການເມືອງ ກ່ຽວກັບເລື່ອງສືບຕໍ່ຍູ້ແຮງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດ ປະທານ ໂຮ່ຈີມິນ.
ໃນ 4 ປີຜ່ານມາ ອົງຄະນະພັກກຸ່ມບັນດາອົງການສູນກາງໄດ້ຕັ້ງໜ້າ ແລະ ເປັນເຈົ້າການຜັນຂະຫຍາຍການປະຕິບັດຄຳສັ່ງ, ເຮັດໃຫ້ການຮຳ່ຮຽນແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ ກາຍເປັນວຽກງານປະຈຳຂອງບັນດາອົງການຈັດຕັ້ງພັກ, ບັນດາອົງການ, ຫົວໜ່ວຍ ແລະ ຂອງພະນັກງານ, ສະມາຊິກພັກໃນກຸ່ມ. ທ່ານ ດິງເທ໋ຮວີງ, ຊີ້ແຈ້ງວ່າ, ໃນໄລຍະຈະມາເຖິງ, ອົງຄະນະພັກກຸ່ມ ແລະ ອົງຄະນະພັກສັງກັດ, ຕ້ອງເຮັດວຽກງານສຶກສາດ້ານການເມືອງ, ແນວຄິດເປັນຢ່າງດີ, ກຳມະການພັກ, ພະນັກງານງານການນຳ, ຫົວໜ້າອົງການ, ຫົວໜ່ວຍຕ້ອງເປັນແບບຢ່າງທີ່ດີເດັ່ນໃນການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ.