(ພາບ: ໜັງສືພິມດ່ານັງ)

      ນີ້ແມ່ນກຳປັ່ນທ່ອງທ່ຽວສາກົນລຳທຳອິດມາດ່ານັງໃນໂອກາດລະດູບານໃໝ່ປີຊວດ 2020.ທີ່ພິທີຕ້ອນຮັບ, ການນຳພະແນກທ່ອງທ່ຽວດ່ານັງ ໄດ້ມອບດອກໄມ້, ຂອງຂວັນ ແລະ ອວຍພອນບັນດາແຂກທ່ອງທ່ຽວສາກົນ ທີ່ໄດ້ມາຢ້ຽມຢາມນະຄອນດ່ານັງໃນໂອກາດບຸນເຕັດປະຈຳຊາດຫວຽດນາມ. ບັນດາແຂກທ່ອງທ່ຽວຍັງໄດ້ຮັບຊົມການຟ້ອນສິງໂຕ, ສະແດງຕີກອງໃນງານບຸນ.

   ທ່ານຫງວຽນຊັວນບິນ, ຮອງຫົວໜ້າພະແນກທ່ອງທ່ຽວດ່ານັງ ໃຫ້ຮູ້ວ່າ: ເລື່ອງຈັດພິທີຕ້ອນຮັບບັນດາແຂກທ່ອງທ່ຽວສາກົນມາດ່ານັງ ໃນໂອກາດຕົ້ນປີໃໝ່ ເພື່ອແນໃສ່ສ້າງຄວາມປະທັບໃຈອັນດີງາມ, ໂຄສະນາພາບພົດນະຄອນນັງທີ່ຮັກແພງແຂກຄົນ. ໃນປີ 2020, ຂະແໜງທ່ອງທ່ຽວນະຄອນ ຈະເພີ່ມທະວີວຽກງານສົ່ງເສີມ, ໂຄສະນາ, ສົມທົບກັບບັນດາບໍລິສັດກຳປັ່ນ ແລະ ວິສາຫະກິດທ່ອງທ່ຽວເພື່ອໂຄສະນາຈຸດນັດພົບແມ່ນນະຄອນດ່ານັງ, ປະກອບສ່ວນຊຸກຍູ້ຂະແໜງທ່ອງທ່ຽວນະຄອນໃຫ້ພັດທະນາ.