ສູນສະຫະພັນຊາວໜຸ່ມ ຫວຽດນາມ ພວມຜັນຂະຫຍາຍໂຄງການ “ຕໍ່ກຳລັງໃຫ້ ຫວຽດນາມ” ແຕ່ວັນທີ 19 – 26 ສິງຫາ. ໂຄງການຈະໜູນຊ່ວຍເງິນຈຳນວນ 10 ຕື້ດົ່ງ, ວັດຖຸອຸປະກອນການແພດ, ເຄື່ອງຂອງທີ່ຈຳເປັນ ໃຫ້ແກ່ບັນດານະຄອນຄື: ໂຮ່ຈີມິນ, ເກິ່ນເທີ ແລະ ບັນດາແຂວງຄື: ບິ່ງເຢືອງ, ດົ່ງນາຍ, ແຄງຮ່ວາ.

ໂຄງການ“ຕໍ່ກຳລັງໃຫ້ ຫວຽດນາມ” ແມ່ນການເຄື່ອນໄຫວຕໍ່ຈາກບັນດາໂຄງການ “ແບ່ງປັນຄວາມຮັກແພງ - ຮ່ວມແຮງຮ່ວມໃຈຜ່ານຜ່າໂລກລະບາດໂຄວິດ - 19” ໂດຍສູນກາງສະຫະພັນຊາວໜຸ່ມ ຫວຽດນາມ ປຸກລະດົມ. ຄາດວ່າ ໂຄງການຈະເປີດກວ້າງໄປຍັງບັນດາແຂວງ, ນະຄອນ ຄື: ໄຕນິງ, ບາເຣຍ - ຫວຸງເຕົ່າ, ຊອກຈັງ….

 ໃນວັນທີ 21 ສິງຫາ, ຄະນະກຳມະການແນວໂຮມປະເທດຊາດ ຫວຽດນາມ ນະຄອນຮ່າໂນ້ຍ ໄດ້ສົມທົບກັບສະຫະພັນແຮງງານ, ຄະນະຊາວໜຸ່ມກອມມູນິດ ໂຮ່ຈີມິນ ນະຄອນ ຮ່າໂນ້ຍ ໄດ້ຈັດໂຄງການ “ສາມັກຄີກັນຕ້ານໂລກລະບາດໂຄວິດ - 19”. ຄະນະຈັດຕັ້ງໄດ້ມອບຂອງຂວັນ 2.200 ພູດ ໂດຍແມ່ນເຄື່ອງຂອງທີ່ຈຳເປັນ ໃຫ້ແກ່ຜູ້ອອກແຮງງານ 2.200 ຄົນ ທີ່ບໍ່ມີວຽກເຮັດງານທຳ ແລະ ນັກສຶກສາຕ່າງແຂວງ, ໜູນຊ່ວຍເຄື່ອງຂອງທີ່ຈຳເປັນ ແລະ ຜ້າອັດປາກດັງ, ຢາລ້າງມືຂ້າເຊື້ອ ໃຫ້ແກ່ 43 ປ້ອມປ້ອງກັນ, ຕ້ານໂລກລະບາດໂຄວິດ - 19 ໃນບໍລິເວນຕາແສງມິງຄາຍ (ເມືອງ ບັກຕືລຽມ).