ຕວັກກີ ຢຸດຕິບັ້ນກູ້ໄພກູ້ຊີບຢູ່ເກືອບທຸກແຂວງ
(VOVWORLD) - ໄລ່ຮອດປັດຈຸບັນນີ້, ຈຳນວນຜູ້ເສຍຊີວິດໃນເຫດແຜ່ນດິນໄຫວດັ່ງກ່າວ ຢູ່ທັງ ຕວັກກີ ແລະ ຊີຣີ ໄດ້ຂຶ້ນເຖິງກວ່າ 46.000 ຄົນ.
 ກຳລັງກູ້ໄພກູ້ຊີບຂອງກອງທັບປະຊາຊົນ ຫວຽດນາມ ຊ່ວຍເຫຼືອປະຊາຊົນ ຍົກຍ້ອຍໄປບ່ອນປອດໄພ (ພາບ: TTXVN) |
ວັນທີ 19 ກຸມພາ, ອົງການຄຸ້ມຄອງໄພພິບັດ ຕວັກກີ ໄດ້ແຈ້ງໃຫ້ຊາບວ່າ ຕວັກກີ ໄດ້ຢຸດຕິວຽກງານກູ້ໄພກູ້ຊີບຢູ່ເກືອບທຸກແຂວງ, ຍົກເວັ້ນ 2 ແຂວງທີ່ຖືກຜົນສະທ້ອນຢ່າງໜັກໜ່ວງທີ່ສຸດຈາກເຫດແຜ່ນດິນໄຫວທີ່ເກີດຂຶ້ນໃນວັນທີ 6 ກຸມພາ, ນັ້ນແມ່ນ Kahramanmaras ແລະ Hatay.
ໄລ່ຮອດປັດຈຸບັນນີ້, ຈຳນວນຜູ້ເສຍຊີວິດໃນເຫດແຜ່ນດິນໄຫວດັ່ງກ່າວ ຢູ່ທັງ ຕວັກກີ ແລະ ຊີຣີ ໄດ້ຂຶ້ນເຖິງກວ່າ 46.000 ຄົນ. ຈຳນວນຜູ້ເສຍຊີວິດຢູ່ ຕວັກກີ ແມ່ນເກືອບ 40.700 ຄົນ ແລະ ຕົວເລກດັ່ງກ່າວຄາດວ່າຈະຍັງເພີ່ມຂຶ້ນອີກ.